Page 36 - Литература 7 кылаас 1 чааhа

Уларыйар улаҕаа өттүгэр,
Ааспыт алдьахайдах дьылым
Анаарыйар анараа өттүгэр,
Нөгүө дьылым түмүгэр,
Чиэрэс дьылым тимэҕэр

Үс түһүү туруу
Төгүл дьаҕыл дойдум
Курун сылгы
Көхсүн тириитин курдук
Күөнтүү үүнэн истэҕинэ
Өрөгөйдөөх үрүт көбүөтүгэр,
Үрдүк мындаатыгар
Үктэллэнэн үөскээбит;

Аҕыс иилээх-саҕалаах,
Атааннаах-мөгүөннээх
Айгырыын силик
Аалай солко
Аан ийэ дойдум

Аллаах ат
Туһахтатын курдук
Аан маҥнай акылааттанан,
Арыллан, айыллан тэриллиитигэр
Арҕаһын кэҕэтигэр
Айыллан тэриллибит;

Тоҕус иилээх-саҕалаах,
Уһун дьоллоох омнуоналаах,
Дьөһөгөйдөөх
Чускуоннаах тулаһалаах
Торуой ыырай
Туйгун
Туруу дьаҕыл дойдум
Тураҕас сылгы
Туһахтатын курдук
Тулааһына тутуллан эрдэҕинэ
Ойбонноох оройугар,
Улай киэлитигэр
Одуньньахтаан олорорго
Одун биис оҕоньньор

36