Page 35 - Литература 7 кылаас 1 чааhа
P. 35
«Олоҥхо дойдутун оҕотобун», «Муҥха олоҥхото», «Уруйдан,
улуу олоҥхобут!» тэрээһиннэргэ кыттаҕыт. Бу олус үөрүүлээх.
Быйыл Үстүүн Нохсоороп «Дыырай Бэргэн» диэн саха Дьөһө-
гөй айыытыгар сүгүрүйэрин көрдөрөр биир бастыҥ олоҥхотун
ааҕыҥ.
УСТИН ГАВРИЛЬЕВИЧ НОХСООРОП —
ҮСТҮҮН НОХСООРОП
(1907—1951)
Профессор А.Е. Мординов Тыл, ли-
тература уонна устуоруйа институтугар
учуонай-сэкирэтээринэн үлэлии сыл-
дьан маннык ахтыбыта баар: «… Арай
биирдэ үлэлии олордохпутуна, эдэр ба-
ҕайы уол хааман сэгэлдьийэн киирэн,
Платон Алексеевиһы кытта дорообо-
лоһоот, эттэ: «Бу мин Нохсоороп диэм-
мин, Амма райкомолун сэкирэтээрэ-
бин. Биир олоҥхолоохпун, ону эһиэхэ
биэрээри гынабын». «Олоҥхоҥ аата
туох диэний?» «Сылгы уола Дыырай
бухатыыр» диэн. «Ол тоҕо «Сылгы уола
Дыырай бухатыыр» диэн ааттаммытый?» Онуоха уол кэпсээн
киирэн барда. Онтон кэпсэппэхтээн баран, сөбүлээн, Ойуунус-
кай, бу киһини кытта дуогабарда оҥор диэн миэхэ сорудах биэр-
битэ. Сиппит-хоппут уонна үүнэн эрэр эдэр талаан Устин Нох-
соороп бастаан кэпсэппиттэрин ити курдук өйдөөн хаалбытым».
«Мин аатым ааттаныа…», 2003 с.
Ааҕыы, ырытыы
Дыырай Бэргэн
Киириитэ
Былыргы былдьаһыктаах дьылым
Быралыйар быраман мындаатыгар,
Урукку охсуһуулаах дьылым
35
