Page 24 - Литература 7 кылаас 2 чааhа

Тап-тап табыйан,
Табакам, айаннаа!

Маҥнайгы икки устуруокаҕа «х», «а» дорҕооннор хос-хос
этиллиилэрэ хаар тыаһын, кэлин икки устуруокаҕа «т», «а» дор-
ҕооннор дьүөрэлэһиилэрэ таба сиэлэн тамайан иһэрин кул-
гаахха, харахха тыыннаах хартыына оҥорон иһитиннэрэллэр,
көрдөрөллөр. Маҥнайгы, үһүс устуруокалар биирдии сүһүөхтээх,
хос-хос этиллэр тыллартан саҕаланаллара итини ордук күүһүр-
дэн биэрэр. Хоһоон ритмэ ис-иһиттэн чэпчэки, намчы, сыыдам».

Иккиһинэн, саха поэзиятын кыһыл көмүс уобарастарын кэк-
кэтигэр Эллэй устуруокалара бааллар:

Туман буолбут хонуктар
Тумулларын кэтэҕэр
Кыһыл буурҕа аттаахтар
Ньиргиэрдэрэ иһиллэр...

Софрон Данилов бэлиэтииринэн, Эллэй бу түөрт устуруо-
каттан ураты тугу да суруйбатаҕа да буоллар, аата литерату-
ра устуоруйатыгар суруллан хаалыа этэ. Бу тылларга чопчу
бу ойууланар диэн ким этиэҕэй, ол эрээри хайдахтаах кур-
дук кэрэтик иһиллэрий? Поэзия күүһэ — итиниэхэ, истээччини
абылыыр, дууһаны долгутар ойуулуур, дьүһүйэр умсулҕаныгар.
Ону сатаан истэ, таптыы үөрэнэргэ уһуйуллуу оскуолаҕа лири-
ческэй айымньыны үөрэтииттэн саҕаланыахтаах.

Ааҕыы, ырытыы

Төрөөбүт дойдубар

Мин төрөөбүт дойдубар сырыттым,
Кини сырдык халлаанын анныгар,
Сымнаҕас, сылаас сүөгэйин истим,
Үрдүк хатыҥнаах чараҥар хаамтым.

Онно күн бэйэтин чаҕылларын
Уоттарын харыстаабакка ыһар.
Будьуруспут тииттэр уорҕаларын
Саһыл кутуругунуу уматар.

24