Page 21 - Литература 7 кылаас 2 чааhа
P. 21

кэлэр: «Нохоо! Тоҕо көмөлөспөккүн?» — диэн уолун ботугу-
раан мөҕөр. Уола буоллаҕына биир тылы хардарбат — ньим
курдук. Онтон кыараҕас хочуоҥка иһин харбыалаан көрбүтэ,
кураанах — уола суох. Ууга түспүт киһи курдук, этэ тымныйа
түһэр, сүрэҕэ айаҕар тахсан бүөлүү биэрэр, бокуойа суох хо-
чуоҥкатын айаҕын тэлэйэ баттаан көрбүтэ, поезд түргэтээн
эрэр, вагон аллара өттүнэн Мундербек хатырыктыйан хаалбыт
сыгынньах ньилбэктэрэ ибигириир, ыстаанын алдьаммыттара
сарымтахтанар. Абдуркулла хайдах да буолуон билбэт, ыста-
нан кэбиһиэн саныыр да вагоҥҥа үлтү мэлийтэрэн кэбиһиэх
курдук. «Мундербек!» — диэн хаһыытыыр. Мундербек, сэмнэх
буолбут таҥаһа «бурал» гынан охтон түһэн, ытаан мырбасты-
быт сирэйэ элэс гынан хаалар.

     (Абдуркуллалаах Мундербек сүтэрсэн баран уонтан тахса
сыл араас эрэйдээх-буруйдаах олоххо түбэһэллэр, улаатан
баран революционнай дьыалаҕа кытталлар, илиилэригэр саа-
саадах тутан саҥа олох иһин охсуһаллар, өй-санаа өттүнэн
күүскэ сайдаллар, рота командирдара буола үүнэллэр).

                                  ***

     Үөрүүлээх митинг сабыллан, рота аайы эмиэ команда буол-
талаан, арахсан, колонна колоннанан дьиэлэрин диэки бары-
талыы турдулар.

     — Табаарыс, биһигини кытта штабка барыс! — диэн, Аб-
дуркулла фронтан иһээччилэри Кыһыл Армия кэккэтигэр ыҥы-
ран араатардаабыт киһи кинилэр аттыларыгар турарын ыҥыр-
да. Онуоха киһитэ сөбүлэнэн, Абдуркуллалыын иккиэн бииргэ
хаамсан, штаб диэки баран истилэр.

     — Табаарыс! Эн араспаанньаҥ кимий? — диэн, бииргэ иһэр
доҕоруттан, саҥа билсиһии тэрийээри гыммыт киһи быһыы-
тынан Абдуркулла ыйытар.

     — Мин араспаанньам Орунбаев, — диэн, анарааҥҥыта
аа-дьуо хоруйдуур. Абдуркулла киһитин сирэйин-хараҕын көр-
бөхтүү түһэр, онуоха анарааҥҥыта, туох буолан барда диэн
дьиктиргээбит киһи быһыытынан, сып-сытыы уоттаах хараҕы-
нан Абдуркулланы элэгэлдьиччи көрөн аһарар.

     — Аатыҥ?!
     — Аатым Мундербек, — диир киһитэ. Абдуркулла хардыы-

                                                                                                        21
   16   17   18   19   20   21   22   23   24   25   26