Page 20 - Литература 7 кылаас 2 чааhа

Бу курдук барыны дойҕохтуу саныы олордохторуна, күүлэ
айаҕын ким эрэ чиҥ-чиҥник тоҥсуйан либигирэттэ. Абдуркул-
ла, куолутунан, хоһугар көтөн түһэн били быатын тардыалаата,
иин иһигэр киһи уллуҥаҕын оройуттан өрө ньиргийэн иһиллэр
тыас ах барда. Ааны тоҥсуйар тыас күүһүрдэ, оҕонньор ааҥҥа
тиийэн туран, иһиттэн: «Ким кэллиҥ?!» — диир. Ол икки арды-
гар олбуор иһинэн сабыыта суох түннүктэр таастара үлтүрүйэн
кыыгыныыллар, ыстыыктаах саа уостара чолос гына түстүлэр,
дьиэ тула өттө бүтүннүү маатыра буолан барда. Дьиэ иһигэр
уолуйбут оҕо, дьахтар сарылаһыыта — аймалҕан бөҕө турда.
Орунбаевтар, ороннорун анныгар түһэллэр, аан аһылла түһэ-
рин кытта, хотоҥҥо харсыспыт ынахтар туйахтарын тыаһын
курдук, саппыкы тыаһа, саа уоһунан муостаны кэйиэлиир тыас
лиһигирэс буола түстэ.

Ииҥҥэ хааллыбыт икки киһини булан, саа бырыкылаатынан
быһыта сынньан таһаардылар. Арай ииннээҕи икки киһи кут-
таммыт быһыылара биллибэт, дэлби этиһэ сылдьаллар, олору
таһааран дьону кытта холбуу уктулар.

(Абдуркуллалаах Мундербек саастарынан кыра буолан хаа-
йыыттан эрдэ босхолоноллор, оттон атыттары атын сирдэргэ
көскө ыыталлар. Уолаттар паровозка олорон атын куоракка ба-
рарга быһаарыналлар).

***

Паровоз, хас да арахсыыларга биэстии мүнүүтэ тохтоон
ыла-ыла, ааһан иһэр. Онтон сотору соҕус иккис станцияҕа
тиийдэ. Паровоз тохтуурун кытта — баара эрэ 15 мүнүүтэ тох-
тобул иһигэр — бары ситэ сылдьан хаалаары эмиэ сырсыы,
тиэтэл буола түстэ.

— Эн ханна да барыма! Мин түһэммин ону-маны чинчийэн
көрүүм, — диэн Абдуркулла уолугар этэр, уола сөбүлэнэр.

Бу курдук айаннаан вагоннарга чугаһаан, эмиэ киһи көрбөт
өттүнэн аймааһыҥҥа муннаран, вагонун анныгар көтөн түһэр.
Паровоз вагоннарын дьигис гына хамсатан, кыратык сыыйан
барар, Абдуркулла баар күүһэ эстэн, тыына баранан, охто
сыһа-сыһа Мундербек ыларын күүппүтэ, киһитэ көмөлөспөт.
Эмиэ охто сыһар, килиэбин мүччү тутан иһэн, аҥаар мунну-
гуттан харбаан ылар, сыһыллан иһэн быардыы түһэн тахсан

20