Page 23 - Литература 7 кылаас 2 чааhа

Анаан дьүүллэһии

Эрилик Эристиин ханнык айымньыларыгар араас омук бэ-
рэстэбиитэллэрэ олох иһин охсуууга көхтөөх кыттыыны ылал-
ларын кэпсэтиҥ.

Уруок кэнниттэн

«Революция уолаттара» сэһэни толору ааҕан, казаах норуо-
тун өрөбөлүүссүйэ саҕанааҕы олоҕун сиһилии билсиҥ.

АЙАР, АЙЫМНЬЫЛААХ ҮЛЭ

Бэйэ ааҕыыта кинигэттэн Эрилик Эристиин «Маарыкчаан
ыччаттара» романыттан (1942 с.) быһа тардыыны ааҕыҥ, по-
литсыылынайдар саха норуота өй-санаа өттүнэн уһуктуутугар
ылбыт оруолларын, саха ыччата Өктөөп өрөбөлүүссүйэтигэр,
Гражданскай сэриигэ актыыбынай кыттыыны ылбытын туһу-
нан кэпсэтиһиҥ.

Романы толору аахпыт оҕолор кылааска айымньы кылгас
ис хоһоонун туһунан иһитиннэриитэ оҥоруҥ.

СЕРАФИМ РОМАНОВИЧ КУЛАЧИКОВ — ЭЛЛЭЙ
Саха норуодунай бэйиэтэ
(1904—1976)

Талааннаах саха бастакы норуоду-
най бэйиэтэ. Уран тыл ууһа буоларын
маннык түгэннэртэн көрөбүт:

Бастакытынан, Софрон Данилов
«Эдэр Эллэй» диэн ыстатыйатыгар су-
руйааччы айар талаанын бэрт итэҕэтии-
лээхтик маннык суруйбуттаах: «Хоһоон
ритмэ ис хоһоонугар сөп түбэһэрин
дьэҥкэ холобура — «Таба».

Хаар, хаар хаачыргыыр,
Халлааным халынна.

23