Page 26 - Литература 7 кылаас 2 чааhа

Дьадаҥы аймахха дойду бэрдин
Советскай былаас бысталаан биэрдэ.

Онно күннээх түүн мөккүөрэ турда.
Эргэ, саҥа охсуһан эрэллэр,
Эдэр кыыс халыым сыабыттан куотар,
Үөрэнэр өйгө сүрэҕэ тэбэр.

Онно эн истиэҕиҥ билигин даа
Олоҥхо умнуллубат тылларын,
Кыһыҥҥы киэһэ утуктуур уота
Умуллуор диэри чоргуйалларын.

Онно баар, мин алааһым барахсан,
Оҕо сааспар оонньообут ойуурум,
Бытырыыс буолбут ыстааннаах уолчаан
Бырдааттыы ыстаҥалаабыт быллаарым.

Онно баар: мин уончабар барарбар
Хотуурунан куһуйбут ходуһам,
Үөһэ, үрдүккэ ыттар санаабар,
Кирилиэстии кэрдибит тиит маһым.

Онно баар: оҕонньордоох эмээхсин
Уолларыгар анаабыт дьиэлэрэ...
Онтон мин арахсыбытым иһин —
Олороллор бэйэлэрэ эрэ...

? Ыйытыылар уонна сорудахтар

1. Бэйиэт төрөөбүт дойдутун айылҕатын кэрэтин ааҕааччыга
тириэрдэр уобарастарын булан бэлиэтэниҥ.

2. Уобарастары ойуулуур сүрүн суолталаах тыллары бэлиэтээҥ.
3. Хоһоону бэриллибит түһүмэхтэргэ олоҕуран ырытыҥ:

y Бэйиэт хоһоонун туохтан сылтаан, тоҕо суруйбутуй? Олох
ханнык өрүттэрэ онно төрүөт буолбуттарый?

y Ааптар иэйиилэрэ.
y Хоһоон сүрүн уобарастара уонна хартыыналара.
y Айымньы ис туруга, лирическэй дьоруойа.
y Хоһоон өҥө-дьүһүнэ, сыта-сымара, муусуката.

26