Page 18 - Литература 7 кылаас 2 чааhа

баҕарар буолуҥ! — диэбиттин таһырдьа ыстаммыта. Оҕолор
буоллахтарына, уот сиэбитин курдук, сарылаһа түспүттэрэ,
ийэлэрэ, бааһырбыт куба курдук, кыыкынаан ытаабыта да, ыт-
таччы хаппыт халтаһатыттан уу кэлбэт этэ. Кини дьыала туох да
бүттэтэ суох куһаҕан буолтуттан оҕолорун ыҥырталаан ылан,
хардары-таары көрүтэлээн баран, туох да диэн этиэн булбакка,
уоһа көбүөхтүү-көбүөхтүү: «Эһиги көрөр-харайар киһитэ суох
кудай илиитигэр хаалаҕыт. Эн, Абдуркулла, оҕоҕун Мундербе-
гы ытаппат-соҥоппот буолаар, эйэлээхтик сылдьыҥ!» — диэн
аҕыйах тылынан кэриэһин эппитэ. Мантан аҕыйах хонон баран
ийэлэрэ өлбүтэ.

Онон кинилэр ыыспаларын иһиттэн буруо тахсара уурай-
быта. Абдуркулла, Мундербегы батыһыннаран, ыалы кэрийэн
хонуктуу барбыта.

(Биир күн уолаттар аһара акччыктаан Муссерен баай са-
дыттан яболоко ылан сиэри киирэллэр. Харабыл уолаттары
тутан ылан уордаах Муссерен атаҕын анныгар быраҕаттыыр.
Муссенен, уолаттары ат кымньыытынаан илдьи таһыйан баран,
аултан үүрэн ыытар.)

***

Тамерлан — эргэ куорат.
Орунбаевтар бу дойдуга, бу дьон ортотугар түбэспиттэрэ
ый кэриҥэ буолбут. Онон дьоннорун быһыытыгар-майгытыгар
син балай эрэ үөрэнэ сатаабыттар. Манна турааччы сүүрбэччэ
киһи барыта биир интэриэстээх, биир дьиэлээх-уоттаах дьон.
Аһыылларын бу остолобуой айаҕар туран, үтүө дьон түбэс-
тэҕинэ аһына санаан бэрсибиттэринэн, баһаарга оҕуруот аһа
атыылаах бааһынайдар бэристэхтэринэ, ол бааһынайдар ар-
буз, дыня хаҕын бырахпыттарын итигэстээн, баһаар бөҕүгэр
быраҕыллыбытын итигэстээн — барытын онон булунар этилэр.
Бу турдахтарына ханааба устун биир, боростуой буолан ба-
ран, бэрт ыраас көстүүмнээх, үөһээ уоһугар саҥардыы тахсан
эрэр бытыктаах сүүрбэтиттэн эрэ тахсыбыт, нуучча икки казах
икки ардынан хааннаах оҕо киһи кэлэн остолобуойга киирэн иһэн
Абдуркулланы баттаҕыттан имэрийээри гыммытыгар, Абдуркул-
ла, охсоору гынна диэн, дьик гынан аһаран биэрдэ. Онтон ана-

18