Page 15 - Литература 7 кылаас 2 чааhа
P. 15
тыа аттыгар, ыраахтан кылбарыһан көстөр маҥан кырааска-
лаах түннүктээх, хоруобуйалаах, хас эмэ хостоох, муосталаах,
нуучча оһохтордоох, тыа сиригэр суох үтүө дьиэ эбит. Дьиэ
тула өттө барыта кирээдэ, ол кирээдэлэригэр барытыгар хор-
туоппуй олордуллубут. Маны барытын Кириисэ, Өкүүсэ иккиэн
бэйэлэрэ үлэлээн-хамсаан, сыл аайы ас бөҕөнү таһааран бэ-
йэлэрэ абыраммыттарын таһынан, дьону да абырыыр эбиттэр.
Онон кинилэр бэйэлэрин көлөһүннэринэн бэркэ сэниэтийэн,
кыһалҕата суохтук олорор ыал эбит.
Өкүүсэ уруккута диэн баара дуо, уон оччо уойбут-топпут,
таҥныбыт, мэктиэтигэр сирэйинэн да олус үчүгэй буолбут.
Балбаара эмээхсин оннооҕор ордук көммүт, өссө эбии эдэри-
гэр түспүт курдук буолбут. Таҥаһа-саба да үчүгэйэ бэрт. Онон
Балбаара былыргы кэмигэр түһэ сыспыт.
Бар дьон бука бары үөрбүт-көппүт курдуктар. Дьиэ орто-
тугар ыраас килэбэчийбит алтан тааска Өкүүсэ биирин туолан
саҥардыы иккитигэр барбыт, туллук курдук, ып-ыраас уол оҕо-
ну сууйа, сөтүөлэтэ турар.
1928 с.
? Ыйытыылар уонна сорудахтар
1. «Тугу да кыайан этэр күүс суох, эргэ эрэ барыма, оҕоҕун...
Оҕоҕун... — диэн, аҕалара Сэмэн кэриэс тылыгар тугу этэ
сатыырый?
2. Дэлиһиэй кинээс тоҕо Балбааралаах Өкүүсэҕэ эпэкиин буо-
ларга дьулуста?
3. Кириисэ бэйэтин кэмин дьоруойа буолара ханнык түгэн-
нэртэн көстөрүй?
4. Дэлиһиэй кинээс туох сыаллаах-соруктаах Өкүүсэни Түҥ-
күнэ Байбалыгар кэргэн биэрэ сатыырый, бу дьыала ис
кырдьыга туохха сытарый?
5. Балбааралаах Өкүүсэ дьылҕалара туохтан тосту уларыйда?
6. «Соһуччу үөрүү» кэпсээн хаһааҥҥы кэми көрдөрөрүй, ол
туохтан көстөрүй?
15
