Page 14 - Литература 7 кылаас 2 чааhа

— Оттон бу, соҕотох оҕолоохпун ээ, — диэн хайдах эрэ өй-
дөөбөтөх киһи курдук, аргыый эттэ Дэлиһиэй.

— Били иитэр кыыһыҥ бу дуо? — диэн хат ыйытта Кириисэ.
— Иитэр кыыһыҥ даа? Суох, бу төрөппүт оҕом. Ол иитэр
кыыска туох баарый? — диэн хайдах эрэ өйдөөбөт быһыынан
түҥ-таҥ турда. — Ама эн бэйэлээх ыал хамначчытын, кума-
лаанын ойох ыла кэлбит үһүгүөн. Дьоҕойон кырдьаҕас киһини
миигин хайдах буолар эбит диэн үтэн-анньан көрөҕүн дуу, хан-
нык эрэ, — диэн ыараан дьиппинийэ-дьиппинийэ кэһиэхтээх
күөмэйинэн сүөлэҥэдийдэ Дэлиһиэй.
— Һэ! Кумалаан диэбит буола-буола! Һэ! Хамначчыт диэ-
бит буола-буола. Ол кумалаан, хамначчыт диэн син дьон аата
буолбат дуо?! Эн били, мин этэрбэр дылы, дьадаҥы киһини
киһиэхэ холооботуҥ ити буолар ээ, — диэтэ Кириисэ.
— Суох-суох! Ол кыыс эйиэхэ барбат, хайыы үйэҕэ эргэ
баарта, оннун булбута, онон барбат.
— Ээ, мин эйигин билиэхпин да баҕарбаппын. Дьиҥэ икки
холбоһор дьон бэйэбит билэр дьыалабыт буоллаҕа дии, — диэн
баран, туран хаҥас диэки баран, Балбаара эмээхсиҥҥэ: —
Балбаара! Эн мин этэр тылбын истэн олордоҕуҥ, онон кыыс-
кын миэхэ сөбүлээн биэрэҕин дуу, суох дуу? Ити күлүү-элэк
тыл буолбат, кырдьык, мин наадаланан кэлбит наадам, ону
санааҕын биллэр.
Балбаара ойон туран, үҥсэр киһи курдук быар куустан,
тугу да булан этиэн билбэккэ төҥкөҥнүү турда. Онтон арыый
кэҥээн:
— Оҕолоох-тойонуом! Эн сөбүлүүр буоллаххына биһиги эйи-
гин туох диэн сириэхпитин этэҕин. Эрдэ тулаайах хаалан оҕом
таҥнар таҥаһа суох. Дьүһүнэ ити баар — буорайбыт киһи, —
диэн баран кэннинэн чинэкэччийдэ.
— Ээ, бу олороохтуур эбит дуу, — диэн баран, кэлэн Өкүү-
сэни кытта кэккэлэһэ олорон, моонньун үрдүнэн кууһан, бэйэти-
гэр сыһыары тардан ыларын кытта, били Мааса кыыс Өкүүсэни
кытта кэккэлэһэ олороро, атын сиргэ кыймарыс гынан хаалла.

***

Ити икки сыл ааспытын кэннэ, били Кириисэлээх олохто-
рун баран көрдөххө, сайын улуу сыһыы арҕаа баһыгар, арыы

14