Page 12 - Литература 7 кылаас 2 чааhа

Бэрт үөрэхтээх, эҥиннээх үтүө киһи. Кыра киһиэхэ, бу биһиэ-
хэ бэрт аһыныык, аламаҕай киһи. Ити оттон улахаттары кыт-
та сөбүлэспэт идэлээх дииллэр. Кириисэни судаарыскайга
үөрэнэн, ол майгытынан барбыт киһи дииллэр. Ол да буоллар
барахсан үтүө киһи буоллаҕа. Киһитинэн да биһиги улууска
суох өйдөөх-үөрэхтээх киһи дииллэр. Кэргэн көрдөһөр дуо? —
диэтэ Дэлиһиэй.

— Билбэтим. Дьахтарга кыһанар киһи буолуо ээ. Оттон
биирдэ эмэ кулгааҕым уһугунан иһиттэхпинэ, эн оҕоҕун Маа-
йаны ыйытыан дураһыйар үһү диэбиттэрэ, — диэтэ күтүөт
оҕонньор.

Өкүүсэ хотоҥҥо тахсан ытыы турдаҕына сааскы килэҥ
суолга тимирдээх сыарҕа тыаһа, кырыыппа тыаһын курдук, ыл-
лаан иһилиннэ, онуоха арҕаа диэки көрө түспүтэ: кырааскалаах
аарыктаах дугалаах, өйөнөрдөөх доруобуна сыарҕалаах икки
бэрт аттар түһэн иһэллэр эбит. Олортон маҥнайгы тураҕас
ат уу дьоруонан битийэн иһэр, ол ат сыарҕатыгар нууччалыы
таҥастаах мааны киһи олорон иһэр быһыылаах. Маны көрөөт,
бу дьүһүлэнэ турарыттан кыбыстан, хотон иһигэр көтөн түстэ
уонна муус түннүгү сааскы күн уота дьөлө сиэбитинэн көрөн
турда. Онно дьиэ таһыгар мааны бэйэлээх дьон түһэн баран-
нар, ат туйаҕын хаара түспүтүн бэйэ-бэйэлэрин хардары-таа-
ры тэбэһэн бардылар. Онтон субуруспутунан дьиэҕэ киирэн
хааллылар.

Кини хотоҥҥо өр турбахтаан баран, хайатын туруой, сирэ-
йин-хараҕын соттон, ыраастанан, дьиэҕэ тахсан хаҥас диэки
баран иһэн хараҕын кырыытынан көрдөҕүнэ — икки киһи уҥа
ороҥҥо кэккэлэһэ олорбуттарыттан бастыҥ ороҥҥо олорооччу
киһи бу кыһын быраабаҕа кинилэр дьыалаларын оҥорбут уонна
кинилэри аһыммыт, кинини сыллаан ылбыт киһи кэпсии-ипсии
кэҕийэ олорор эбит. «Ээ, ити эбит ээ, бии аатырар Кириисэ
суруксуттара. Бу баҕайы кыыс оттон холоон да дьахтар этэ да,
баай оҕото буолан, ити бэйэлээх киһиэхэ барыа буоллаҕа», —
дии санаан, били бэйэтин эрэ буолуохсуту таба көрбүтэ: аан
ороҥҥо тиийэн утуктаан дьүккүҥнүү олорор эбит. Ону көрөн
эбии курус гына түстэ уонна хаҥас ороҥҥо тиийэн бары-
ны-бары: урут хайдах баттыгаска үөскээбитин, инники өттүгэр

12