Page 13 - Литература 7 кылаас 2 чааhа

күүтүүлээх олохтон маппытын — эргитэ санаан, көхсө бүтүннүү
сааллан, тааһынан баттаппыт курдук ыараан түһэн олордо.

Дэлиһиэй кинээс, биллэрик оронугар сототун оллоонноон
киэбирэ соҕус туттан, ыалдьыттарын кытта сүөлэҥи куолаһы-
нан кэпсэтэ олорор.

— Мин кэргэним өлөн хаалан аҥаардас киһибин. Онон эн
миэхэ кыыста кулу, күтүөт гын!..

— Һэ-һэ… Дьэ бэрт сөп буоллаҕа дии. Мин даҕаны ол кур-
дук саныыр этим… Күүтэ сатыыр этим. Чэ сөп, кэпсэттэхпит.
Ыл, эмээхсин, Хобороос! Сылабааргын тиэтэт.

— Чэ бэйи, ол сылабаар туох нааданый, тохтоотун. Ол
кыыскын аҕал, көрдөр эрэ. Мин эйигин билиэхпин баҕарбап-
пын, ити гынан баран, кыыһыҥ бэйэтэ билиэх тустаах. Онон
икки холбоһор дьон сирэй көрсөн олорон кэпсэтиэхтээхпит.

Быыс кэнниттэн дэлби киэргэммит, атаҕын тумсуттан атын
сири одуулаабат Мааса, бу үтүгэмсийэн-үтүгэмсийэн, солкотун
тыаһа суугунаан кэллэ.

— Чэ, тукаам! Манна кэлэн олор, — диэн баран биллэрик
оронтон ойон тура эккирээтэ. Кыыс баран олороору гынан эр-
дэҕинэ:

— Хайа, оҕонньоор, кыыһыҥ бу дуо?

13