Page 16 - Литература 7 кылаас 2 чааhа
P. 16
ЧИНЧИЙЭР ҮЛЭ
Эрилик Эристиин мэтириэт маастара буоларын, аахпыт
айымньыларгытыгар олоҕуран чинчийэн көрүҥ.
Тэҥнээн көрүү
«Соһуччу үөрүү» кэпсээн уонна Александр Грин «Алые пару-
са» айымньыта ис хоһоон өттүнэн тугунан майгыннаһалларый?
Тэҥнии тутан быһаарсыҥ.
Ааҕыы, сэһэргэһии
Революция уолаттара
(Сэһэнтэн быһа тардыы)
— Абдуркулла! Мин сүрдээхтик аччыктаатым, куулгун көр,
туох эмэ баар буоллаҕына иккиэн сиэх! — диэн кыракый Мун-
дербек ытамньыйа былаан этэ-этэ, тиит хатырыгын курдук
быччырыччы тардыталаабыт тараһатын иитэ-саҕата биллибэт
буолбут бириһиэн хомуһуолун элэккэтинэн сабыта тардынар,
икки борбуйун, ыт илдьи ыстаабытын курдук, тырыттан хаал-
быт баккытын алдьаммытынан тобугун тарбыыр уонна, икки
кыһыл көмүс мэтээллээх баай Муссерен атын сарайыгар сыс-
та, сиргэ олорунан кэбиһэр.
— Акаары! Иирбиккин дуу?.. Бэҕэһээ киэһэ суолтан булбут
арбузпут хаҕын маарыын тураат сиэбиппит буолбат дуо? Итэ-
ҕэйбэтэргин, мэ, көр даҕаны, — диэн туох баар малларын тута
сылдьар Абдуркулла, баһылык киһи быһыытынан, кыыһыран
силбиэтэнээт, уон икки сиринэн абырахтаах, хара лаҕыыр кир-
дээх кыра куулу уолун иннигэр быраҕан биэрдэ.
Кырдьык даҕаны, бу куул айаҕыттан түгэҕэр, муннуктарыт-
тан муннуктарыгар диэри бүгүн алта төгүл ньэҥньиллэн, ханна
туох эмэ сыста хаппыта итигэстэнэн бүппүтэ. Абдуркулланы
буоллаҕына ким даҕаны бу куулга баһылыгынан талбатаҕа буо-
16
