Page 76 - Литература 7 кылаас 2 чааhа

— Чэ, эт!
Кылааса, баран, Куонааҥҥа аргыый аҕайдык эттэ.
— Саамай сөп. Маладьыас! Кылааса эмиэ таһаарда. Оо,
дьэ, Хабыычча уонна Бааска эмиэ кэнники миэстэҕэ хааллылар
дии! Чэ, кытаатыҥ, таһаара охсуҥ! — диэтэ Куонаан.
— Суох, мин кыайан таһаарыа суохпун, — диэн баран, Ха-
быычча төбөтүн тарбанна.
— Мин эмиэ таһаарбаппын. Эһиэнэ барыта бобуулаах дии.
Тоҕо мин оттоох тыһаҕаһы биирдии-биирдии туоратан баран,
тыһаҕаһы баайан кэбиспэппин?! — диэн Бааска мөккүстэ.
— Сатаммат. Оччоҕо садаачча да диэн буолбат буоллаҕа дии,
эн этэриҥ курдук, баайан кэбиһэр буоллахпытына! — диэтэ Биэрэ.
— Ама, тоҕо сатамматаҕай, эһиги эттэххитинэ, барыта хаач-
чах буолан түһэн! — диэн, Бааска өрө мөккүһэ турда.
— Бааска, эн тугу да кыайан быһаарбаккын да, куруук
эн мөккүһэриҥ эрэ баар. Сатаммат буолан, сатаммат буол-
лаҕа дии! Эн үчүгэйдик толкуйдаан, тиэтэйбэккэ эрэ таһаар
ээ! — диэтэ Куонаан. Бааска, убайа Куонаантан толлор буолан,
өрөлөһөн мөккүспэтэ, саҥата суох толкуйдуу олордо, онтон
эмискэ баҕайы хаһыытыы түстэ:
— Мин таһаардым... Этэбин дуо? Оҕолор, бу курдук эбит:
маҥнай тыһаҕаһы таһаарар, онтон эһэтин туоратар уонна ты-
һаҕаһы төттөрү туоратар. Ол кэннэ отун таһааран баран, ты-
һаҕаһыгар иккиһин төннөн, туоратар эбит! Сөп буолбат дуо? —
дии-дии, уҥа сөмүйэтинэн Бааска салгыны суруйбахтаата.
— Сөп-сөп, — дэстилэр урут таһаарбыт оҕолор.
— Дьэ, таһаардаҕыҥ ити дии! Эн этэриҥ курдук, тыһаҕаһы
баайан кэбиспэтэ буолбат дуо? Син толкуйдаан баран та-
һаардаххына, кыайар суолгун эн, куруук тиэтэйэн уонна бэйэҥ
билбиккинэн мөккүһэн, буортулуур идэлээххин ээ! — диэтэ
убайа Куонаан.
Кырдьыга даҕаны, Куонаан этэригэр дылы, бэйэ билбэт буо-
ла-буола, мээлэ күүһүнэн мөккүһэрэ сыыһа.
Ити курдук, оҕолор кэпсэтэн бүтэн, киэһэ буолан, дьиэлэ-
ригэр төннөн тахсыбыттара.

1938 с.

76