Page 77 - Литература 7 кылаас 2 чааhа

Анаан дьүүллэһии

Бу аахпыт икки айымньыгытыгар олоҕуран, атын норуот-
тар литератураларыгар оҕо туһунан суруллубут кэпсээннэри
тэҥнээн көрүҥ, ырытыһыҥ.

НИКОЛАЙ МАКСИМОВИЧ ЗАБОЛОЦКАЙ — ЧЫСХААН
(1908—1987)

Н.М. Заболоцкай уон саастааҕар
нэһилиэгэр Үчүгэйгэ баар таҥара дьиэ-
тин оскуолатыгар үөрэнэ киирбитэ.
Учууталлара аҕабыыт этэ, оҕолору кы-
ра да сыыһа-халты аайы эмиэ кырбыы-
ра, кырыылаах хардаҕаска тобуктатан
туруорара. 1924 сыл күһүнүгэр Нико-
лай Максимович куоракка барар аттаах
дьону аргыстаһан, ый курдук айаннаан,
Дьокуускайга кэлэр. Манна аан бас-
таан электрическэй уоту, араас сонун
сайдыыны көрөн олус сөҕөр-махтайар.
Таатта Уолбатыгар биир сыл иһигэр бэһис, алтыс кылааһы
бүтэрэн, педтехникумҥа үөрэнэ киирэр. Үөрэнэрин быыһыгар
үлэлиир да, хомсомуолга сылдьар, литературнай куруһуокка
дьарыктанар.

Кини олоҕо төрөөбүт норуотун литературата, култуурата
сайдыытын кытта ыкса сибээстээх этэ. ХХ үйэ 20-с сылларыт-
тан бастакы «Эдэр бассабыык», «Кыым» хаһыаттарга үлэлиир,
үөрэх наркоматыгар инспектордыыр, Чурапчы уонна Дьокуус-
кай педучилищеларыгар учууталлыыр. Тыл уонна култуура ин-
ститутун тэрийсэн, литература секторын салайбыта, бастакы
литературнай кириитик буолар. Бииргэ ыкса бодоруспут, үлэ-
лээбит буолан, Өксөкүлээх Өлөксөй, Алампа, Ойуунускай олох-
торун туһунан олус суолталаах ахтыылары суруйан хаалларбы-
та. Саха литературатын оскуолаҕа үөрэтиигэ бырагыраамалар,
үөрэх кинигэлэрэ, хрестоматиялар ааптардара, 5—10 кылааска
дылы сэттэ үөрэх кинигэтин оҥорбута.

77