Page 82 - Литература 7 кылаас 2 чааhа

— Оттон билигин көстөллөр дуу?
— Суох, булан биэрбитиҥ кэннэ, тоҕо мээнэ көстө сыл-
дьыахтарай?
«Туй-сиэ, бу өйдөрүн!» — диэн саахардартан салла санаата
Болот уонна, эмиэ тугу эрэ толкуйдаан баран, ийэтигэр хат
эргилиннэ:
— Ийээ, оччоҕо Дьэкиим кинээс обото эмиэ хараҕар көс-
төрө буолуо дуу?
— Көстүмүнэ, хайыа этэй?
— Оо! — диэн унаарытан кэбистэ Болот уонна, тугу да
саҥарбакка, ийэтин кытта сэргэстэһэ хаамсан истэ. «Дьэкиим
кинээс хараҕар төһөлөөх эрэ элбэх оботтоох соллоҥ бииһин
ууһа: ынах буута, таба тыла, сылгы тараһата, эһэ тыҥыраҕа
уонна бөрө тииһэ элэҥнээн ааһан иһэллэрэ буолла?» — дии
санаата Болот.

Тылбытын байытабыт

«Дьиэс-куос буолбахтаата, биир-биэс диэмэ, бөтө бэрдэ-
рэн» тыллар суолталарын бэйэҕит өйдөөбүккүтүнэн быһаарыҥ.

? Ыйытыылар уонна сорудахтар

1. Болот ийэтэ Арапыана туох кыбыстыыга түбэстэ? Тоҕо?
2. Болот «...хайа эмэ дьэҥкир таас иһит курдук, көҥдөйдүү

көстөн хааллахтара!..» диэн санааһынын эһиги туох дии-
гит?
3. Болот саахардарыттан тоҕо салынна уонна бэйэтигэр туох
түмүгү оҥоһунна?
4. Ийэтэ Болоту үөрэтэр тылларын булан сурунуҥ, санааҕы-
тын үллэстиҥ.
5. «Киһи хараҕа – дууһа сиэркилэтэ» өс хоһоонун кэпсээҥҥэ
сыһыаран ырытыҥ.
6. «Дьэкиим кинээс хараҕар төһөлөөх эрэ элбэх оботтоох сол-
лоҥ бииһин ууһа: ынах буута, таба тыла, сылгы тараһа-
та, эһэ тыҥыраҕа уонна бөрө тииһэ элэҥнээн ааһан иһэл-
лэрэ буолла?» диэн Болот санаатын уруһуйдаан көрдөрүҥ.

82