Page 87 - Литература 7 кылаас 2 чааhа

да буоллар, үөмпүппүн кубулуппаппын. Сотору оттор быыс-
тарынан ууга кустар уста сылдьаллара көстөр сиригэр тиий-
дим. Хата, мин дьолбор, адьас иннибэр обургу соҕус дулҕа
баар эбит. Онно саабын уурдум уонна сомуогун туруордум.
Сүрэҕим күүскэ тэбиэлэнэн барда, туох эрэ күөмэйбэр өрө
анньан таҕыста. Сатаан ытыа суох буолан, уоскуйаары, балач-
ча сыппахтаатым. Кустар адьас аттыбар уста сылдьаллар, күн
уотугар кылабачыйар лаахтаах тумустарынан ууттан тугу эрэ
ороон сиэн чабыгыраһаллар, төгүрүк харахтара көстөллөр.

Кустары одуулаһа сытан, арыычча уоскуйдум, тыынарым
холкутуйда, илиилэрим салҕалаабат буоллулар. Ытаарыбын,
саам луоһун сыҥаахпар таҕайдым, илиилэрим эмиэ салҕалаан
бардылар. Ол да буоллар, биир куһу кыҥаан баран, саам чыы-
быһын төлө тардан кэбистим.

Саам эстэн дэлби барда да, күүскэ үлүгэр эҥил баспын
аста, иэдэскэ сырбатта, дулҕаттан төкүнүйэн түстэ. Күөл диэки
көрбүтүм, иннибэр саа буруота унаарыйар уонна күөлгэ туох
эрэ ууну таһыйан чалыгырыыр. Ойон тура эккириибин — биир
кус тиэрэ түһэн, өрөҕөтө туртайа сытар эбит. Кус, уһун моон-
ньун чолоҥнотон, төбөтүн ууттан өндөтөөрү гынар, тунаар-
хайдыҥы араҕас атахтарынан тэбиэлэнэн сараҥнатар уонна
кынаттарынан ууну чалымнатар.

Куһу таппыппыттан үөрэн эбитэ дуу, куотаары гынна диэн ык-
саабыппыттан эбитэ дуу, таҥастыын ууга ыстанан киирэбин уон-
на, уу отугар сөрүөстэн, умса баран түһэбин. Дьолбор, уум чы-
чаас буолан, куспун ылан, бүтүннүү уу, бадараан буолан тахсабын.
Куһум өссө да тыыннаах этэ, кынатынан мин өттүкпүн ыарыылаах-
тык таһыйар уонна битиликтээх атахтарынан испин тырыта тэбиэ-
лиир. Аан бастаан бултуйбут киһи онно кыһаныам дуо?! Дьиэбэр
сүүрэн тэлэмээттэнэн тахсабын. Дьиэбэр көтөн түһэбин.

— Хантан ыллыҥ? — ийэм, улаханнык дьиктиргээн, ыйытар.
— Өлөрдүм!
— Хайдах?.. Тугунан? — ийэм өссө ордук дьиибэргээтэ.
— Аҕам саатынан.
— Оттон сааҥ ханнаный?
Ийэм ыйыппытыгар өйдөммүтүм, саам суох эбит: били ып-
пыт сирбэр умнан кэбиспиппин.

87