Page 90 - Литература 7 кылаас 2 чааhа

көтөн кэлэн ити мастарга олороллор. Кытыан хаартан харааран
көстөрүн көрөн, аһаары түһэллэр, — диир аҕам.

Ол курдук, Дьардьыгынаан уҥуоҕун тумулун аннынааҕы кы-
тыаннарга аҕам биэс туһаҕы ииппитэ. Уларга туһаҕы иитии бу-
катын боростуой эбит. Син бочугураска иитэр курдук, маһынан
тоҥуулуур уонна кытыан аттынан улар ааһар гына хайаҕас-
тыыр. Ол хайаҕаһыгар туһах иитэр.

Онтон өтөх кэтэҕинээҕи хойуу кытыаҥҥа баран эмиэ биэс
туһаҕы ииппиппит. Ол туһахтартан иккитин аҕам миэхэ бэйэбэр
ииттэрбитэ. Ол курдук, уларга туһах иитэргэ үөрэппитэ.

Ииппит туһахтарбын мин сарсыарда оскуолаҕа баран иһэн
кэрийэн көрбүтүм. Суох, улардар түспэтэх этилэр. Онтон киэһэ
дьиэбэр кэлэн иһэн эмиэ кэрийбитим.

Биир күн киэһэ оскуолабыттан кэлэн иһэн көрбүтүм, улардар
түһэн хаары оймообуттар. Мин сүрэҕим итийэргэ дылы буолбу-
та. Тиэтэл муҥунан, өтөх кэннинээҕи туһахтарбын көрө сүүрбү-
түм. Ыраахтан көрдөхпүнэ, мин ииппит туһахпар улардар тиий-
биттэр. Онон чугаһаан көрбүтүм, хаарга хара түү ыһыллыбыт.
«Ама, иҥнибиттэрэ буолуо дуо?» — дии, саныы-саныы, сүүрбүтүм.

Туһахпар сүүрэн тиийбитим, үөрүөм иһин, биир улахан хап-
хара куртуйах иҥнибит. Үөрүү бөҕөнү үөрэн, оскуолабыттан
улар тутуурдаах дьиэбэр сүүрэн тэлэмээттэнэн кэлэбин. Эбэм,
ону көрөөт, өттүгүн охсуммута:

— Көрүҥ, Быытыкпыт оскуолатыттан улар тутуурдаах кэл-
лэ буолбат дуо? Оҕобор Байанайа мичик гыммыт!.. Көрүҥ,
бэртээхэй диэн улар тутуурдаах кэллэ дии! — диэбитэ.

Аҕам илим баайа олороро. Мин улардаах киирбиппин көрөн
мичийбитэ:

— Булчут буолуох киһини бостуой оскуолаҕа биэрбиппит
дуу, хайдах дуу?.. Кини оннугар Өлөксөйбүтүн биэрбиппит буол-
лар ордук буолуо эбит, — диэбитэ аҕам кэмсиммит курдук.

— Үөрэҕэр үчүгэй үһү буолбат дуо?.. Үөрэннин ээ... Булка
дьоҕурдаах буоллаҕына, хаһан баҕарар бултаан аһатыаҕа, —
диэбитэ ийэм.

— Үөрэҕи батыстаҕына, эйиэхэ бултуу оонньуу сылдьыа
дуо, — диэн аҕам утарсыбыта.

Суох, төһө да бултуурбун таптаабытым иһин, үөрэниэхпин баҕа-
рабын. Испэр: «Үөрэнэ да сылдьан бултуоҕум», — дии саныыбын.

90