Page 93 - Литература 7 кылаас 2 чааhа

кыра нэлэгэр миискэттэн итии чэйи сыпсырыйбахтыы олордо.
Уоппут ордук сырдаан кэллэ.

— Чэ, тукаам, миигин сэмэһит күтүр дии санаама, — диэтэ
оҕонньор, мин диэки эйэҕэстик көрөөт. — Ити айылҕа мааны
кыылын таптыырым бэрт буолан эттим быһыылаах.

— Суох, мин эйигиттэн хомойботум, — диибин мин.
Оҕонньор сиэбиттэн фильтрдээх сигаретаны таһаарда.
— Оо, бу билиҥҥи табаах барахсан сыттыын атын эбээт.
Былыр хамса табаах иннигэр сэттэ көлөһүммүтүн тоҕорбут. Та-
баахпыт бараннаҕына, ол-бу оту-маһы тарда сатыырбыт. Аны
санаатахха, биһиги, эбээннэр эрэйдээхтэр, олус да ыарахан
олоххо олорбут эбиппит.
Биһиги икки киһи утуйар сайыҥҥы кыракый балааккабыты-
гар утуйаары сытабыт. Таһырдьа тыал түһэн мастар лабаала-
рын суугунатта, онтон биһиги чараас балааккабытын аргыый
ибирдэттэ.
— Тукаам, мин эйиэхэ чубуку биһиги өбүгэлэрбитин өрү-
һүйбүтүн туһунан быктардым этэ дуу...
— Ээ, инньэ диэбитиҥ. Хата, ону кэпсээбэккин ээ...
— Мантан олох чугас улахан таас хайа баар, — оҕонньор,
көхсүн этитэн баран, аргыый кэпсии сытта. — Ол сири Хур-
каткит диэн ааттыыллар. Былыр ол таас хайа тэллэҕэр уонна
бу биһиги үрүйэчээммитин кэрийэ өбүгэлэрбит кэлэн, уһуннук
тохтоон-өрөөн, бултаан-алтаан ааһаллара эбитэ үһү.
Биирдэ ааттаах сут дьыл буолбут. Күһүөрү хас да хонукка
хаардаах ардах түспүт. Ол кэнниттэн күннээх түүн устата киһи
батыллар халыҥ хаара үллүктээбит. Онтон эмискэ халлаан көнөн
хаалбыт, күн кылбайа тыкпыт. Били халыҥ хаар ууллан сир-дойду
килэгир уу буолбут. Ол кэнниттэн аҕыйах хоноот, күүстээх курас
тыал түспүт, онтон халлаан хаардаабыт. Эмискэ көтөр-сүүрэр ки-
рийэр тыйыс тымныыта буолбут. Били күһүҥҥү ардахтан-хаартан
илийбит сир кырса муус буола, силимнэһэ тоҥон хаалбыт.
От, лабыкта барыта мууһунан бүрүллэн сиргэ хам тоҥмут.
Дьэ онон таба аһылыга суох ыран, быстаран барбыт. Өбүгэлэр-
битигэр алдьархай ааҥнаан кэлбит. Хайыахтарай, ыран өлөөрү
гыммыт тиһэх табаларын барытын өлөртөөн сиэн барбыттар.
Ол манна түһэн олорбут эбээн ыала биэс эр бэртэрэ
уолаттардаахтара үһү. Ийэлээх аҕалара, уолаттарын кытары

93