Page 88 - Литература 7 кылаас 2 чааhа
P. 88
Куспун ийэбэр туттараат, саабын ыла күөлбэр төттөрү ыста-
набын. Онтон бэттэх хаһан да саабын хаалларбат буолбутум.
? Ыйытыылар уонна сорудахтар
1. Аҕата уолун бэйэтэ да билбэтинэн ханнык олоххо наадалаах
үтүө үгэскэ үөрэппитий?
2. «Уол оҕо аҕатын туйаҕын хатарааччы» диэн өс номоҕор бу
уол быһыыта-майгыта төһө сөп түбэһэрий?
3. Ийэ уонна уол хардарыта сыһыаннарын быһаарыҥ.
Тыыннаах тыл
Эһиги хаһан эмэ аҕаҕытын, убайгытын кытта булка сылдьы-
быккыт дуо? Булт үөрүүтүн ким хаһан, хайдах билбитэй?
АЙАР, АЙЫМНЬЫЛААХ ҮЛЭ
«Киэһэ аҕата дьиэтигэр кэлбитэ...» диэнтэн салгыы кэпсээ-
ни бэйэҕит айан кэпсээҥ.
Уруок кэнниттэн
Бибилэтиэкэҕэ сылдьан Николай Якутскай булка сыһыан-
наах айымньыларын туһунан литература испииһэгин оҥоруҥ.
КЭРЭ ЭЙГЭТИГЭР
Билиҥҥи кэмҥэ булт уонна бултааһын туһунан «Байанай»
сурунааллары ааҕыҥ, DVD-диискэлэри көрүҥ. Оскуолаҕытыгар
«Бастакы бултуйуум» диэн бэйэҕит, чугас дьоҥҥут, доҕоргут
байанайдаах күнүн көрдөрөр уруһуй уонна хаартыска быыстап-
катын тэрийиҥ.
88
