Page 85 - Литература 7 кылаас 2 чааhа
P. 85
Алын кылаастарга Николай Гаврилович остуоруйаларын,
кэпсээннэрин уонна уочаркаларын, «Ойуур оскуолата», «Хотой
доҕоро», «Арай биирдэ», о.д.а. оҕолорго аналлаах кинигэлэрин
аахпыккыт, истибиккит буолуо. Николай Якутскай үйэ аҥаа-
рыттан ордук кэм устата олус элбэҕи айбыта. Кини айымньы-
ларыттан улахан да дьон, оҕолор даҕаны элбэҕи билэбит-
көрөбүт. Николай Якутскай оҕолорго, эдэр ыччакка анаан су-
руйбут айымньылара дьиҥ саха оҕотун олоххо интэриэһин
көрдөрөллөрүнэн эдэр ыччат таптаан ааҕар айымньылара
буолбуттара. Кини айымньыларыгар булт тиэмэтэ аҕыйаҕа суох
миэстэни ылар.
Ааҕыы, ырытыы
Маҥнайгы сааланыы
Букатын кырабар, алта-сэттэ саастаахпар, аҕам саанан
ытарын көрөр этим. Онно саа эстэриттэн олус куттанарым.
Мин санаабар, саа наһаа улахан тыастаах этэ.
Аҕам хас саас аайы дьиэтин аттыгар сыал ытар үгэстээҕэ.
Ону батыһан тахсан көрөр буоларым. Сыал ытаары кыҥаатаҕы-
на, саа эстэр тыаһыттан куттанан, харахпын быһа симэрим,
кулгаахтарбын тарбахтарбынан бүөлүү анньарым.
Мин курдук кыра киһиэхэ ким сааны туттарыа баарай, бу-
катын саа диэки чугаһаппат да этилэр.
Биирдэ, тоҕуспун туолан, уоммар баран эрдэхпинэ, дьиэ-
бит анныгар баар ойбон күөлбүтүгэр кустар кэлэн түспүттэрэ.
Аҕам дьиэтигэр суоҕа. Оттон саата хаҥас орон үрдүгэр көхөҕө
ыйанан турара.
— Ийээ, күөлбүтүгэр кустар кэлэн түстүлэр! — хаһыытаа-
бытынан, дьиэбэр сүүрэн киирэбин.
— Түстэхтэринэ түстэхтэрэ дии, олордуннар ээ, — ийэм
букатын аахайбат.
— Ийээ, саанан ытыахха!..
— Ким ытыай? Мин сааспар сааны тутан көрө иликпин,
ытыахпын да куттанабын. Арай аҕабыт баара буоллар...
— Мин ытыым... — итини этээт, бэйэм эппиппиттэн бэйэм
85
