Page 89 - Литература 7 кылаас 2 чааhа
P. 89
ЛИТЕРАТУРАЛАР АЛТЫҺЫЫЛАРА
Нуучча литературатыгар маҥнайгы сааланыы туһунан хан-
нык суруйааччылар айымньылара баалларын билэҕитий?
Ааҕыы, сэһэргэһии
Үөрэх уонна булт
Хаар улам хаҥаан барбыта. Улардар халыҥ хаар анныттан
отону кыайан булан сиэбэт буоланнар, алаас саҕатыгар, эргэ
өтөхтөргө үүнэр кытыан уктарыгар түһэллэрэ. Мин оскуола-
бар кэлэ-бара сылдьан, Улуу Сыһыы саҕатынааҕы кытыаннар-
га улардар түһэн аһаабыт, хаары оймообут суолларын көрөр
буолбутум. Арыт аһыы сылдьар улардары көтүтэрим. Ол туһу-
нан аҕабар кэпсээбитим:
— Аҕаа, Улуу Сыһыы саҕатыгар улар бөҕө түһэр эбит...
— Түһэр сирдэригэр туһах ииппит киһи, — диэбитэ аҕам.
— Туһахта иит! — диибин мин.
— Суох, мин туһах иитэн бодьуустаһар бокуойум суох...
— Оччоҕо, аҕаа, миэхэ туһахта иитэн кулу... Мин оскуола-
быттан кэлэн иһэн көрүөм, — диэн көрдөһөбүн.
— Сөп, эн оскуолаҕар үөрэммэт өрөбүл күҥҥэр, иккиэн
бараммыт иитиэхпит, — диэн аҕам үөрдүбүтэ.
Уларга хайдах туһах иитиллэрин мин урут көрбөт этим,
билбэт да этим. Сотору өрөбүл буолбута. Аҕам хас да туһаҕы
уонна чохороон сүгэ ылбыта. Биһиги уларга туһах иитэ Улуу
Сыһыыга киирбиппит.
Мин оскуолабар барар-кэлэр суолум аттыгар үүнэр кытыан-
нарга, улардар түһэн аһыыр суолларын көрөн, тоҥуу хаарга
туораабыппыт. Элбэх отонноох кытыаннары аҕам атаҕынан тэ-
биэлээн хаардарын түһэртээбитэ.
— Аҕаа, тоҕо кытыан хаарын тэбиигиний? — мин, дьиктир-
гээн, ыйыппытым.
— Улардар, кытыан туорааҕын сии түһүөхтэрин иннинэ,
89
