Page 84 - Литература 7 кылаас 2 чааhа

НИКОЛАЙ ГАВРИЛОВИЧ ЗОЛОТАР¨В — ЯКУТСКАЙ
Саха норуодунай суруйааччыта
(1908—1995)

Оҕо аймах, эдэр ыччат таптаан
ааҕар суруйааччыта Саха Өрөспүүбү-
лүкэтин норуодунай суруйааччыта Ни-
колай Гаврилович Золотарёв — Нико-
лай Якутскай 1908 сыллаахха сэтинньи
22 күнүгэр Үөһээ Бүлүүгэ Харбалаах
нэһилиэгэр дьадаҥы-бааһынай кэргэ-
нигэр төрөөбүтэ. Кини оскуолаҕа хо-
йутаан, уон биир сааһын туолан иһэн,
1919 сыллаахха үөрэнэ киирбитэ. Кы-
ра эрдэҕиттэн, сытыы-хотуу, бэйэтин
кыаллар буолан, булка бэрт сыстаҕас
этэ. Оҕо сааһыттан саанан ытарга,булчут араас моһоллорун
эрдээхтик тулуйарга үөрэммитэ.
1927 сыллаахха Бүлүү орто оскуолатын ахсыс кылааһын
бүтэрэрин кытта сытыы-хотуу уолу Кыһыл Аармыйа хамаанда-
лыыр орто үлэһиттэри бэлэмниир Владивостоктааҕы оскуола-
тыгар ыыппыттара. Ити оскуоланы туйгуннук бүтэрэн баран,
аҕыс сыл устата Молдавияҕа уонна Арҕаа Украинаҕа кыра-
ныыссаны маныыр чаастарга сулууспалаабыта. 1934 сыллаахха
Н.К. Крупская аатынан коммунистическай иитии академиятын
бэлитиичэскэй сырдатыыга салаатын кэтэхтэн, 1956 сыллаах-
ха Москватааҕы Үрдүкү литературнай кууруһу бүтэрбитэ. Өр
сылларга салайар партийнай үлэҕэ үлэлээбитэ. 1948—1953
сылларга Николай Якутскай — Саха сирин Суруйааччыларын
сойууһун салайааччыта. Кэлин «Хотугу сулус» («Чолбон»), «По-
лярная звезда» сурунааллар холбоһуктаах эрэдээксийэлэрин
сүрүннүүр эрэдээктэрэ буолбута, 1946 сылтан Суруйааччылар
сойуустарын чилиэнэ.
Кини айар үлэтин өссө Молдавияҕа олорон, 1938 сыллаахха
саҕалаабыта. Суруйааччы бастакы айымньылара (кэпсээннэрэ,
уочаркалара) Молдавия, Украина хаһыаттарыгар, сурунаалла-
рыгар нууччалыы тылынан бэчээттэммиттэрэ. Сорохторун олох-
тоох омуктар тылларыгар тылбаастаабыттара.

84