Page 80 - Литература 7 кылаас 2 чааhа

Ийэ өс киирбэх Болоту төлө тутан кэбиспитэ, киһитэ, түөрт
атах буолаат, бастыҥ орон анныгар сылыпыс гынан хаалла.
Ийэтэ, хата, соһуйда.

— Нохоо, ханна куоттуҥ, сэрэн, син биир ситиэм!
Уола онуоха тугу да хоруйдаабата, орон анныгар чочумча
буолан, тугу эрэ хаһыспахтаан баран, буор-сыыс буолан хаал-
быт обургу соҕус куһуок саахары ийэтигэр, иһиллэр соҕустук
өрө тыынан баран, уунна.
Маны эрэ күүппэккэ турбут ийэ улаханнык соһуйда, ол да
буоллар өссө да сөп буолбатахтык ыйытта:
— Хайа, оттон сорҕото?
Болот итиннэ хоруйдаһар солото суоҕа, ортоку орон аннын
диэки саҥата суох ат буолан, быарынан сыылаҥхайдыы турда
уонна онно тиийэн эмиэ хаһыспахтаата, эмиэ өрө тыынна, он-
тон эмиэ биир куһуок, мааҥыытааҕар өссө буор-сыыс буолбут
саахары уунна. Итинтэн ийэтигэр саҥарыах да бокуой биэр-
бэккэ, атах орон аннын диэки сулбу ааста.
— Ылыҥ, көрөн кэбиһиҥ! Манна букатын, били Чаачахаан
курдук, көҥдөй хороон хаһынан кэбиспит сирэ эбит буолбат
дуо? — диэн саҥа аллайда ийэтэ.

80