Page 86 - Литература 7 кылаас 2 чааhа
P. 86
куттанабын. Били бастаан кэпсээбитим курдук, урут саанан
ытан көрө илигим, саа тыаһыттан олус куттанар этим.
— Ээ, чыычааҕым сыыһа, эн сааланарыҥ эрдэ ээ, —
ийэм, кэлэн, төбөбүн имэрийэр уонна бурдук тарда хоспоҕор
тахсан барар.
Ийэм миигин ити курдук сэнии саҥарбытыттан испэр аба-
тыйа саныыбын: «Мин оччо кыра үһүбүн дуо?! Сааланар да
сөп буолла. Мин кыра оҕо буолбатахпын, саа тыаһыттан тоҕо
куттанабыный?»
Мин, ыскаамыйаҕа ыстанан тахсан, сааны ыллым уонна,
аҕабын үтүктэн, бүлгү туттум. Саа иитиитэ суох эбит. Иитии-
лээх ботуруоннардаах батарантаас атын көхөҕө ыйанан турара.
Онтон биир ботуруону ылан, саабар уктум уонна саабын икки
илиибинэн туора туппутунан таһырдьа таҕыстым.
Алааспытыгар түспүт кустарга аҕам хайдах үөмэрин көрөр
буоларым. Кинини үтүктэн, мин эмиэ үөмэн бардым. От уһаан
турар, онон мин ат буолан үөмэн иһэрим көстүбэт. Арай ку-
һаҕана диэн сирэ инчэҕэйэ бэрт, таҥаһым дэлби сытыйда. Ол
86
