Page 91 - Литература 7 кылаас 2 чааhа
P. 91
Анаан дьүүллэһии
«Уол оҕо төрөөтөҕүнэ суор үөрэр» диэн өс хоһоонун айым-
ньыга сыһыаран кэпсэтиҥ.
АНДРЕЙ ВАСИЛЬЕВИЧ КРИВОШАПКИН
Саха норуодунай суруйааччыта
(1940)
Кривошапкин Андрей Васильевич —
эбээн бастаан-көстөөн иһэр суруйаач-
чыта, Саха Өрөспүүбүлүкэтин норуо-
дунай суруйааччыта, өрөспүүбүлүкэ
биллиилээх уопсастыбаннай уонна су-
даарыстыбаннай үлэһитэ, норуодунай
дьокутаата.
Былыр-былыргыттан күн бүгүҥҥэ
диэри бултааһын Хоту дойду олохтоох-
торун биир сүрүн дьарыктара. Бултаан
айахтарын ииттинэллэрэ, таҥас-сап
оҥостоллоро. Булт идэтэ — судургу
буолбатах, бэйэтэ эмиэ туһугар элбэх муударастаах. Киһи эрэ
барыта талыы булчут буолбат, туох-ханнык иннинэ айылҕат-
тан айдарыы, талаан, туһунан дьоҕур, мындыр буолуу наада.
Хоту дойду кэрэ айылҕатын, манна олохтоох аҕыйах ахсаан-
наах төрүт дьон олоҕун-дьаһаҕын, кырыалаах кыраай дьиҥнээх
хаһаайыттарын туһунан эбээн суруйааччыта Андрей Васильевич
Кривошапкин айымньыларыттан билсиэххэйиҥ. Саха норуо-
дунай суруйааччыта Андрей Кривошапкин «Хуркаткит» уонна
«Хара тыа хаһаайына» айымньыларыттан сорсуннаах булчуттар
Нэгиэчээн оҕонньор уонна Тормита мүччүргэннээх сырыыла-
рын туһунан ааҕан, тайҕаҕа олоххо үөрүйэхтээх, мындыр эрэ
дьон олороллорун итэҕэйиэххит.
91
