Page 95 - Литература 7 кылаас 2 чааhа

муттарын өйдөөбүт. «Оо, дьонум бааллара буоллар, ити үөртэн
биири эмэ дэҥниэ этилэр», — дии санаабыт.

Нөҥүө сарсыардатыгар эмээхсин табатын тириититтэн бу-
һаран-илдьиритэн сиэн баран, баттаҕын кылынан быа хатан,
туһах оҥостунан барбыт. Ол кэнниттэн таас хайаҕа бэрт эрэ-
йинэн хатаастан тахсыбыт. Хайа быыһынан чубуку суола олус
элбэх эбит. Эмээхсин, көрөн-көрөн баран, биир тоҕоостоох
сиргэ икки туһаҕы ииппит.

Тордоҕор, дэлби тоҥон-хатан кэлээт, уотугар саба түһэр.
Ол киэһэ эмээхсин сылбархай уутун иһэн баран, кытаанахтык
утуйан хаалар. Сарсыарда туһахтарын санаабытынан уһуктар.

Халлаан кылбайа сырдыырын кытары эмээхсин эрэйдээх
били туһахтарын көрө барар. Аччыктаабыта, сэниэтэ суоҕа
бэрт буолан, бэҕэһээҥҥи тааһын нэһиилэ дабайан тахсар. Он-
тон... арай көрбүтэ — туһаҕар туох эрэ харааран көстөр. Оо,
үөрүү! Туһаҕар биир тыһы чубуку иҥнэн өлө сытар.

Ити күн эмээхсин чубукутун иһин-үөһүн, этин тото-хана
сиир. Чубуку иҥииринэн эбии туһах оҥостор. Сарсыныгар
туһахтарыттан икки чубукуну ылар. Онтон эмээхсин эмиэ чу-
буку иҥииринэн өссө элбэх туһаҕы оҥостон иитэр...

95