Page 99 - Литература 7 кылаас 2 чааhа

түүннэр саҕаланаллар. Күөл мууһа өссө да сайа илик буолар.
Тормита чугастааҕы күөллэри, хайалара туох балыктааҕын эн-
дэппэккэ билэр. Мууска ойбон алларан, устар түүнү быһа күө-
гүлээх олорор. Маннык балыктааһын илимниирдээҕэр ордук
интэриэһинэй, ордук көхтөөх. Элбэхтик сүүрүөххүн-көтүөххүн,
уйуһуйуоххун наада.

Кини саамай ыраах сытар Нэригэлкэн күөлү сөбүлүүр. Ки-
нини Тормита күөллэр күөллэрэ диэн ааттыыр. Кээмэйинэн
бары күөллэртэн саамай улаханнара. Хайа быыһыгар кэрэ
көстүүлээх сиргэ сытар. Киниэхэ тиийиэх иннинэ синньигэс
таас хаспах устун балачча сири барыахха наада. Икки өттүнэн
таас эркиннэр үөһэ дьулуһаллар. Сайыныгар манна көлөнөн
да, уунан да устан кэлбэккин. Үгүс харгыстардаах. Дьон манна
саас эрдэ, халаан уута киириэн иннинэ, сатыы сылдьаллар. Ол
эрээри оннук дьаныардаах уонна дьулуурдаах дьон аҕыйахтар.

Соҕотох Тормита эрэ бу күөлгэ үгүстүк сылдьар. Саас, ман-
на аан бастаан кэлэригэр, туох-ханнык иннинэ күөл иччитин
өлгөмнүк күндүлээччи. Биэрэккэ улахан кутааны оттор уонна
күөл кэрэтин, элбэх быйаҥнааҕын туһунан тойук туойар. Он-
тон күөлүн иччитин этинэн, арыынан, үүккэ оҥоһуллубут лэп-
пиэскэнэн аһатар. Испиири хаһан да биэрбэт, туора дьоннор
куһаҕан утахтарынан ааҕар. Ити булгуччулаах сиэри толорон
эрэ баран, илиитигэр анньыытын ылан, мууһу алларан барар.
Сылайар диэни билбэт курдук, түргэнник туттар. Балык ха-
маҕатык тутар. Бөдөҥ дьарҕаа мууска мөхсөрүн көрөр астык...

Тормита дьиэтигэр төннөр. Суон мас тайахтаах. Үрүсээгэ
толору эмис дьарҕаа. Санаатын ситэн дуоһуйан ыксаабакка, ол
эрээри өрүс тааһын устун Тормита эрэллээхтик хардыылыыр.
Хааман иһэн өйүттэн булан, барбах иһиллэр эрэ курдук эбээн-
нии ыллыыр. Кини эбээннии ырыалары эрэ ыллыыр, атыттары
төрүт да билбэт. Үрдүк таастар күлүктээннэр, хапчааҥҥа бо-
рук-сорук. Манна күн уота кыайан киирбэт. Иннигэр уҥа диэки
эргиир кэлэр. Эргииртэн икки сүүсчэкэ миэтэрэни бардахха
өрүс үөһэ кэтириир. Онтон оттонон-мастанан барар, сыыйа
ойуур саҕаланар.

Тормита хаамарын түргэтэттэ, онтон эһэни кытта сүүһүнэн
анньыһа сыста. Иккиэн соһуйаннар тиэрэ чынарыһа түстүлэр.
Эһэ хордурҕаан эрэрдии ырдьыгынаата уонна киһи иннигэр

99