Page 100 - Литература 7 кылаас 2 чааhа

турунан кэбистэ. «Дьэ көрсүһүү дии! Кырдьаҕас, эн миигин
эккирэтэ сылдьаҕын дуу!?» — санныттан ыарахан үрүсээгин
түһэрэ-түһэрэ, Тормита саҥа аллайда. Кинилэр икки ардыла-
рыгар сымара таас сытара. Ол эрээри эһэ тоҕо эрэ киниэхэ
саба түспэтэ, ырдьыгыныы-ырдьыгыныы салгыны сытырҕаан,
тохтоло суох муннунан олоотоото. «Иҥсэлээх, балык сытын
ылла быһыылаах», — дии санаата Тормита.

Эһэ дириҥник олорор төгүрүк харахтарынан киһини тоно-
луппакка одууласта. Тыатааҕы эмиэ ааттаах балыксытын булчут
билэр. Быһыыта, күөлгэ баран испит. Кини онно кытылы кэрийэн
ас тобоҕун, балыксыттар ылан бырахпыт балыктарын иһин хомуйа
үөрэммит. Эһэ сайын балыктыыр. Күнү быһа ону бодьуустаһан
тахсар. Оттон билигин кини аччык. Ону кини суолугар соһуччу
Тормита баар буолла. Киһи киниттэн толлубатын эһэ таайда.

«Суолбун аҕал, кырдьаҕас. Бэйэм суолбунан барыам. Көр-
бөккүн дуо, саата суохпун», — кини тылын эһэ өйдүүрүн курдук
кэпсэтэр Тормита. Эһэ иннин диэки хардыылаатар эрэ, Тор-
мита уордаахтык хаһыытыыр уонна тайах маһынан далбаата-
нар. Эһэ, ырдьыгынаат, кэннинэн тэйэр. Ол курдук кинилэр күн
быһаҕаһа күрдьүөттэһэн турдулар. Онтон салгыы туох-туох буо-
луоҕун эмискэ дьон саҥата уонна күлүүтэ иһиллэн мэһэйдээ-
тэ. Балыксыттар дьиэлэригэр төннөн иһэллэрэ. Эһэ ыксаата,
эмиэ да Тормитаны көрөттүүр, эмиэ да иннигэр дьон саҥата
чугаһаан иһэрин иһиллиир, киниэхэ ол төһө кутталлааҕын өйдүү
сатыыр быһыылаах.

Тормита үрүсээгиттэн балыгы ылан, иннин диэки бырах-
та. Эһэ ону хабан ылаары сыыһа тутунна. Эмискэ хамсанан,
мүччү тэбинэн, тааска ыараханнык олоро биэрдэ. Көрүөх бэ-
тэрээ өттүнэ балыгы хабан ылан, биирдэ ыйыстан кэбистэ уон-
на Тормитаны эмиэ одууласта. «Эйигин балыгынан күндүлээ-
тим буолбат дуо. Киэр кэбэлий!» — Тормита хаһыытаата уонна
эһэҕэ өссө биир балыгы бырахта.

Кэнниттэн дьоннор тахсан кэллилэр. Үһүөлэр. Эһэ балы-
гы хабан ылла да, туора ойдо. «Тормита, манна туту гынаҕы-
ный?» — дьон чугаһаан кэлэн, дьиктиргээтилэр. «Кырдьаҕаһы
кытта кэпсэттим. Ону эһиги кэлэҥҥит мэһэйдээтигит, — Торми-
та дьоһуннук хардарда. — Аһата турбутум». «Ханна баар эһэни

100