Page 103 - Литература 7 кылаас 2 чааhа

РЕАС АЛЕКСЕЕВИЧ КУЛАКОВСКАЙ
(1914—1993)

Эдэр көлүөнэ эрэл эҥээр буолуохтун,
Аҕам саастаах аар баҕана буолуохтун.

Реас Кулаковскай

Суруйууга сахалартан Реас Алексеевич субу баар курдук
ойуулаан көрдөрөрүнэн биир саамай дьоҕурдаахтара. Н.Д. Не-
устроев «Балыксыт» диэн кэпсээнигэр айылҕа көстүүтүн бу
баар курдук көрдөрүүтэ уонна Реас Алексеевич «Аан аһылын-
на» диэн сэһэнигэр үөр бөрөлөр сылгылары тоһуйан тырыта
тыытыыларын ойуулааһына — бу икки түгэни көрдөрүү саха
литературатын киэргэллэрэ буола туруохтара.

Г.П. Башарин

Айбыт аҕатын улуу Кулаковскай удьуор хаанын салҕаан аны-
гы үйэҕэ тэниппит үтүөтүн таһынан, Реас Алексеевич аҕата
төрүттээбит литературатыгар эмиэ утуму салҕаан, үрдүктэн
айдарыылаах үтүө суруйааччы буолан, бэйэтин суолун-ииһин
хаалларбыт, дьоһун-мааны олоҕо, саха дьонугар үйэлэргэ ум-
нуллубат кэрэ номох буолан салҕанан бара туруоҕа.

Дмитрий Кириллин

Реас Алексеевич Кулаковскай 1914
сыллаахха муус устар 8 күнүгэр Бүлүү
куоратыгар төрөөбүтэ. Бу кэмҥэ аҕата
А.Е. Кулаковскай — Өксөкүлээх Өлөк-
сөй онно учууталлыыра. Ол олордох-
торуна аҕатын үлэтиттэн уураталлар.
Инньэ гынан кинини Тааттаҕа убайы-
гар Оонньуулаах Уйбааҥҥа ыыталлар.
Бу курдук алтатыгар дылы эбэтиттэн
саҕалаан араас дьоҥҥо иитиллэр.
Онтон алтатыттан ыла улахан эдьиийэ
Ларисалыын олороллор. Реас Кула-
ковскай уон аҕыс сааһыгар дьоно бары өлөн, чороҥ соҕотох
туран хаалар.

103