Page 107 - Литература 7 кылаас 2 чааhа

Сарсыарда халлаан сырдаан, икки сүөм усталаах, сүөм ор-
дуга муҥур сүөм туоралаах, үөһээ өттүлэрэ тэһитэ ууллубутун
отунан бүөлүү анньыталаммыт, түөрт муус түннүктэри уҥуор-
даан, дьиэ иһин, барбатах балык мининии, үөл-дьүөл, бадыа-
бүдүө оҥордо. Эр киһи уһукта биэрдэ. Соһуйбуттуу дьиэтин
иһин, онтон түннүктэрин көрүтэлии охсон ылла, тыыллаҥнаата
уонна олоро түстэ. Тиэтэйбиттии туттан-хаптан туран, оһоҕун
хабаҕалын куруҥ хардаҕастарынан толору симтэ, өһөн эрэр
чоҕу көбүттэ уонна күөртээн эрэр курдук, үрэн сирилэппитинэн
барда. Сотору уот үөрэ-көтө бачыгыраабытынан, кыһыл көмүс
кыымынан ыһыахтаммытынан барда. Киһи лоҕуй чаанньыгар
уу кутан, үөттүрэҕинэн саҥардыы кытара сатаан эрэр чохтору
чөмөхтөөтө, чаанньыгын онно олордон, оннун булларан бат-
тыалаамахтаан, эргичиҥнэппэхтээн ылла уонна таһырдьа тахса
охсон киирээт:

— Тура охсуҥ! Хойутаабыппыт. Халлаан көммүт. Күн тахсан
эрэр, — диэн дьонун уһугуннартаата.

Кыракый быдарааҕынан уу сомсон ылан, дүлүҥ кэрчигэ
олоппоско уурда, ырбаахытын кэлин тэллэҕин эрийэ тутан ба-
ран, ыстааныгар кыбыта аста, сиэхтэрин ньыппарынна, быда-
рааҕыттан ууну омурдан ылан, түөрт кырыылаах, эриллэҕэс
быччыҥнардаах суон харытыгар, омурдубут уутун кута-кута,
сууйан бачыгыраппахтаата. Айаҕар баар уута бүттэ. Быдарааҕын
иититтэн ылан, иккиһин омурдуох курдук гынан иһэн тохтоон:

— Бүгүн тойоммут Лөгөнтөй киирэр сурахтааҕа. Киирэр
кэмэ да дьээбэтэ бэрт ээ. Тибиини саҥа тыырдаран, — диэн
баран, уутун иккистээн омурдан, икки омурт эттэрэ өрө күл-
тэһэн таҕыстылар.

Онтукатын ытыһыгар кута-кута, сирэйин суунан ньиккиммэх-
тээтэ. Бүтэн, ырбаахытын эҥээрин өрө тарда-тарда, сирэйин
соттон, иҥиир тараһата килэҥнээтэ. Онтон көмүлүөк суоһугар,
сыралыгар ырбаахытын куурда турда.

— Һиччиэ, муннуктааҕы маспыт бүппүт, таарыччы таһыр-
дьаттан маста көтөҕөн киллэрээр, — диэн хаалла, уола таһыр-
дьа тахсан эрдэҕинэ.

Чаанньык оргуйан, хаппаҕа тэппэрэҥнээн, онон-манан паар
тыргыйан тахсыбытыгар, ийэлэрэ Сүөкүлэ, торбос тириитэ ма-
таҕаттан хатыҥ үөһүн хостоон таһааран, тоһута тута-тута чаан-

107