Page 111 - Литература 7 кылаас 2 чааhа

Ити курдук дьиэлээх дьон аһаан-сиэн тарҕастылар.
Ити Уйбаан эдэригэр кус быһый, ат бөҕө киһи эбитэ үһү.
Ол гынан баран, быһыйымсыйа, күүһүргүү сылдьыбатах муҥ-
наах эбит. Арай, икки эрэ түбэлтэнэн «баардааҕын» биллэр-
бит. Биирдэ, дьахтарын Сүөкүлэни ыллаҕын сыл, Аммаҕа от-
туу киирсибит. Онно ыйтан ордук сылдьан баран биир киэһэ,
күн киирэрин кытта, Уйбаан алааска баар буолбут (ити сэттэ
көстөн ордук сир). Ону Лөгөнтөй түбэһэ көрөн:
— Хайа, бу тоҕо оттообокко таҕыстыҥ? — диэн кыыһырбыт.
— Оттон оттуу сылдьабын ээ.
— Ол бүгүн төһөнү дьодьуйбут үһүгүн?
— Урукку охсорум саҕаны оҕустум.
Итини Лөгөнтөй сымыйаргыы санаабыт. «Бу бэйэлээх тостор
кураан күн таах хааллаҕа. Отчуттарым буолуохсуттар бары да-
ҕаны итинник халтай тэбэ, кус оҕолуу эҥиннии сырыттахта-
ра. Бэйэ эбээт, киирэммин үлэҕитин-хамнаскытын көрдөҕүм.
Дьабыннар, оттон күүлэйдээбит баҕас буолан көрүҥ!» — дии
санаабыт уонна ким да билбэтинэн, ааттаах акка олорон, түүн-
нэри Аммалаабыт. Күн кылахачыйа тахсыыта тиийбит. Отчут-
тарын уһугуннартаабыт.
— Хайа, Уйбааҥҥыт? — диэн ыйыппыт.
— Ыалга хоно, суорат сии тахсыбыта.
— Төһөҕө, күн төһөтүгэр тахсыбытай? — Лөгөнтөй дьиктир-
гээбит.
— Үлэлээн бүтээт да, ойбута.
— Ол төһөҕө бүппүккүтүй?
— Күн дьааһыгырыыта.
— Ол тоҕо эрдэлээтигит?
— Мунньуубут бүтэн.
— Уйбаан тугу үлэлээбитэй?
— Кини күнү быһа от охсубута. Биһиги наар мунньан, бу-
гуллаан тахсыбыппыт. Халлаан олуур. Мунньуубутун ылыаҕа
диэн ыгылыйбыппыт.
Лөгөнтөй, хамначчыттарын тылын итэҕэйбэккэ, ходуһаҕа кии-
рэн үлэлэрин-хамнастарын кэрийбитэ, бугул бөҕө бачыгыраа-
быт. Киһи ылбычча мыыммат үлэтэ үлэлэммит. Оттон бэҕэһээ
охсуллубут оту көрө түһээт, ымайда. Биир киһи охсубута диэ-
тэххэ, килэһийэн киэҥ сир сытар (дэлэҕэ да Лөгөнтөй бэйэлээх

111