Page 116 - Литература 7 кылаас 2 чааhа

— Оттон убаһалар хайдахтарый?
Ити ыйытыыттан Уйбааннаах Махсыын ходьох гына түстү-
лэр, сирэй-сирэйдэрин көрүстүлэр.
— Убаһалар хайдахтарый диибин ээ? — тойон кыыһыра
быһыытыйан куолаһа чиҥээтэ.
Уйбаан көхсүн этиттэ, тэпсэҥнээтэ:
— Убаһалар... хым... куһаҕаттар... — ситэ саҥарбакка, тох-
тоон хаалла.
— Хайдах куһаҕан? Өлүтэлээн эрэллэр дуо?
— Суох туруктара үчүгэй этэ. Бөрөлөр сиэбиттэр.
— Хайдах? Барыларын дуо? — Лөгөнтөй соһуйа түһэр.
— Ити оҕо билигин эн эрэ кэлиэҥ иннинэ көрөн кэлбитэ.
Төһөнү тардыбыттарын хайаабыттарын билбэт.
— Ол хайдах «билбэт»! Дал иһинээҕини кыайан көрбөт үһү
дуо?
— Дала суох, оттон окко үүрэ сылдьан аһаппыппыт.
— Ноо, ол тоҕо? — Лөгөнтөй иҥнэннээн кэбистэ. — Ол
аата оппун барытын аан дойду сылгытыгар сиэтэн кэбистэххит
дии. Бөрөлөр даҕаны, дьиэ таһыгар аһаппыккыт буоллар, тоҕо
киирэ охсуо этилэр!
— Күһүн хаар түспүтүн кэннэ, оппут үлэтэ бүппүтэ. Он-
тон салгыы бу сэп-сэбиргэл, кыбыы-хаһаа туттан бүтүөхпүтү-
гэр диэри хаар хаҥаабыта. Аны чугаһынан сылгы суох буолан,
үлэбитин чэпчэтэ сатаан, оттон окко үүрэ сылдьан аһаппыппыт.
— Хаар хаҥаатаҕына хаар күрүө диэн тутуллуохтааҕын
билбэккин дуо?
— Билбитим иһин, үһүөйэх киһи күннээҕи үлэбитигэр киэп-
тэтэммит, хараҥаттан хараҥаҕа сылдьабыт. Бу билигин күн
уһаан эрэ, арыый эрдэ бүтэр буоллубут, — диир Уйбаан, то-
йоно наһаа кыыһырбатыттан эрдийэн.
Лөгөнтөй үрдүк маччаҕар сүүһүн кэрдиистэрэ сүтэн, ары-
лыйбыт киэҥ харахтарын симириктии көрөн, сулбугур сэҥийэ-
тэ эбии чупчуйан, кылгас мытыгыр сирэйэ уһаабыкка дылы
буолан, бэл, быыкайкаан токур мунна көммүт, уһаабыт көстүү-
лэнэн, дьүккүччү соҕус туттан, Уйбааны супту көрөн олордо.
Уйбаан ыар буруйдаах киһи уурааҕын көһүтэ турарын курдук
туттан турда. Онтон Лөгөнтөй, судьуйа уурааҕын ааҕан эрэри-
нии, саас-сааһынан сүр наҕыллык саҥаран барда:

116