Page 121 - Литература 7 кылаас 2 чааhа

тыалы тэрийиигэ барытыгар кыттара. Кини салайар хомсо-
муол ячейката Кыһыл знамянан наҕараадаламмыта. Оскуолатын
бүтэрээт, кылгас кууруһу бүтэрэн уон аҕыс сааһыгар учуутал
буолбута. 1942—1945 сылларга Аҕа дойду Улуу сэриитигэр
кыттыбыта.

Оҕоҕо анаан олус элбэх хоһоону, айымньыны суруйбута.
«Таабырын хоһооннор», «Хомурахтаах мин дойдум», «Куобах-
чаан», о.д.а. кинигэлэрин билэргит, аахпыккыт буолуо.

Онтон быйыл саха норуотун өрөбөлүүссүйэ иннинээҕи олоҕун
арылхайдык кэпсиир «Уһуктуу» трилогия-романыттан билсиэххит.

Ааҕыы, сэһэргэһии

Уһуктуу

(Романтан быһа тардыы)

Дьиэ таһыгар тиийээт, Ньургун оҕуруот олорпут сиргэ ойон
тиийдэ:

— Оо, хортуоппуйдарын ото улааппыт даҕаны. Луук эмиэ
тахсан эрэр.

Дьиэҕэ Василий Иванович cоҕотоҕун сурук суруйа олорор
эбит, уҥа түннүктэрин таҥаһынан саппыт. Төҥкөс гынан ачы-
кытын үрдүнэн көрөөт, ойон турда.

— А, Евдокия Михайловна, Нюргун, здравствуйте! — киһи
бэйэлэрэ оҥостубут хаптаһын лааппыларын ойутан аҕалла. —
Пожалуйста, садитесь.

Дьэбдьиэ кэлэн сэрэммиттии кырыытынан олордо. Дьиэни
эргиччи көрөн кэбистэ. Туох да маллара, тээбириннэрэ суоҕун
бэркиһии санаата. Былыргы таҥара холоругар халыҥ кинигэ-
лэр кырыыларынан ууруллан туралларыгар киһи хараҕа иҥнэр.
Оһох үрдүгэр турар ылтаһын чаанньыктан, икки тимир куруус-
каттан, икки-үс тэриэлкэттэн, биилкэттэн-ньуоскаттан атын
иһиттээхтэрэ көстүбэт.

Ньургун, симиттэ-симиттэ, дьэдьэннээх тууйаһын уунна, киһи
сулбу тардан ылла, төҥкөх гынан сытырҕалаата, хаппаҕын аста.

— Вот это да! Земляника, какой аромат!

121