Page 123 - Литература 7 кылаас 2 чааhа

— Оччоҕо тоҕо манна кэлбиттэрэй?
— Көскө ыыттахтара дии.
— Тоҕо?
— Буруйу оҥороннор.
— Тыый, ол туох буруйун?
— Ону мин билиэм дуо? Сэрэйдэххэ, ыраахтааҕыны утары
бардахтара.
— Хайдах утары бараллар?
— Оттон мөккүстэхтэрэ дии.
— Ыраахтааҕыны кытта дуо? Оччоҕо ыраахтааҕыны көрдөх-
төрө дии?
— Көрүмүнэ.
— Оо, сүрдээх да дьон эбит! Ыраахтааҕыны кытта этиһэн
буруйданнахтара.
— Оннук.
Ньургун иһигэр саныы истэ. Болеславы көрүстэр эрэ ыйы-
тыа: ыраахтааҕы дьүһүнэ хайдаҕын, төһө улаханын. Хартыынаҕа
таҥараҕа маарынныыр, көннөрү дьонтон атын. Оо, биирдэ
эмэтэ ыраахтааҕыны көрбүт киһи! Ити дьон кинини кытта кэп-
сэттэхтэрэ, өссө мөккүстэхтэрэ дии. Сүрдээх да үөрэхтээх дьон
быһыылаах. Өрүү кинигэ ааҕаллар, сурук суруйаллар. Баҕар,
дьиҥнээх бөлүһүөктэр буолуо. Соломуон Муударай курдук.

***

Дьиэттэн тахсалларын кытта, балыыһатыттан луохтуур ута-
ры тахсан кэллэ.

— Ноо, эһиги киирбиккит дуу? Дорооболоруҥ! Хайа бу
бардыгыт дуо?

— Бардыбыт.
— Чэйдээбэтигит дуо?
— Тиэтэйэбит.
— Суох, сатаммат. Чэйдээн барыҥ. Күн эрдэ дии, — луох-
туур кэлэн Ньургуну илиититтэн ылла, дьиэ диэки сиэтэн лэг-
лэриттэ. — Ньургун Боотур бухатыыр хоргуйбута буолуо.
Уйбаан Уйбаанабыс дьиэҕэ киирэн, ону-маны ыйыталаста.
Бөрөскүөптэр Сабардамнартан барбыттарын истэн олус үөрдэ.
— Аҕыйах хонуктааҕыта улуус мунньаҕар мин сорох баай-
дар хамначчыттарын наһаа куһаҕаннык, дьүдэхтик туталлар,

123