Page 125 - Литература 7 кылаас 2 чааhа

— Суруйааччы. Араас халыҥ кннигэлэри суруйар, — киһи
кинигэлээх ыскаап диэки ыйда.

Оксиэ, элбэх да кинигэ! Ыскаап тобус-толору. Араас көмүс
суруктаах кинигэлэр бааллар.

— Маны барытын кини суруйбута дуо?
— Барытын буолбатах. Сорҕотун, — луохтуур хас да ки-
нигэни ыйда. — Маны, маны... Лев Толстой диэн. Үчүгэйдик
өйдөөн кэбис. Улааттаххына, үөрэхтэннэххинэ, кини кинигэтин
барытын ааҕыаҥ. Үөрэниэххин баҕараҕын дуо?
— Баҕарабын.
— Евдокия Михайловна, оҕоҕутун тоҕо үөрэттэрбэккит?
— Быйыл кыһын Хортуус учууталга үөрэннэ.
— Оо, ол холтуура үөрэх буолуо эбээт. Дьиҥнээх оскуо-
лаҕа үөрэттэриҥ.
— Ылыахтара дуо?
— Миэстэ баар буоллаҕына, ылымына. Киргиэлэйгэ эт.
Үөрэххэ хайаан да быйыл киллэрдин. Сахаҕа үөрэхтээх киһи
элбиирэ наада. Үөрэх кыайан тарҕаммакка олус хараҥатык
олоробут.
— Үөрэхтэннэр бэрт буолуо этэ.
— Оннук. Үөрэххэ киирэригэр, баҕар, мин көмөлөһүөм.
Ылбатахтарына кэлэн этээриҥ. Кэпсэтэн көрүөм.
Баралларыгар барыанньата оҥостуҥ диэн таҥас мөһөөччүк-
кэ мэлии саахар кутан биэрдилэр уонна үһүөн түспүт хаартыс-
каларын бэлэхтээтилэр. Мантан ыла сылдьар буолуҥ диэн
ыҥырдылар.
Ньургун үөрүүтүттэн атаҕа сири билбэт буолла. Үчүгэй да
ыал. Сайаҕас да дьон. Дьиэлэрэ ырааһын, маанытын. Итиччэ
баай буолан баран, биир да үчүгэй көмүс таҥаралара суох
эбит. Ок-сиэ, арай Ньургун оскуолаҕа киирдин. Үөрэҕин бүтэ-
рэн луохтуур дуу, учуутал дуу буоллун. Ити курдук үчүгэйдик,
баайдык, ыраастык олоруо этэ уонна Лиэп Толустуой халыҥ
кинигэлэрин ааҕыа этэ. Оччоҕо...

***

Агриппина Акепсимовна быйыл вице-губернатор Николай
Николаевич Чаплин ороһуоспатааҕы вечеринкатыгар ыҥырыл-
лан сылдьыбытын санаата. Сотору-сотору араас өттүттэн эр-

125