Page 119 - Литература 7 кылаас 2 чааhа

«...Били Уйбаныап бүрүстүүпүнньүк күтүр, тыл бөҕөнү этэн,
саҥа бөҕөнү саҥаран баран, куораттаан турар. Сураҕа, бары
бүрүстүүпүнньүктэр куоракка субуллубуттар. Ол киэҥ Арас-
сыыйа сиригэр баппакка кэлбит күтүрдэр, бука, улахан айдаа-
ны тардаллара буолуо.

...Манна даҕаны дьон харса суохтара бэккэ саҥаран-иҥэ-
рэн, баран-кэлэн эрэллэр. Ордук Буолун күтүр сүрдэнэн эрэр.
Сүгүн олордоллоруттан ааһаары гыннылар.

Бары өттүнэн сылыктаатахха — үйэ уларыйаары гынна бы-
һыылаах. Онон, урукку курдук, бас-баттах барбакка, сэрэнэн
үктэнэн сырыттахха табыллара буолуо. Ол гынан баран, убаһа-
ларынан сылтаан, Баабыйдары үчүгэй аҕайдык илиибэр бычы-
гыраччы ыллахпына табыллар. Хомурдуостааһына наада!»

? Ыйытыылар уонна сорудахтар

1. Айымньы бастакы чааһыгар ойууланар сиэмэх кыыллар си-
дьиҥ быһыыларыгар сыанабылгытын биэриҥ.

2. Уйбааннаах күннээҕи түбүктэрэ тугуй?
3. Уйбаан ис туругун көрдөрөр: сүөм түһэр, муҥатыйар, ыгы-

лыйда, дириҥник өрө тыынна, дьулайбыттыы, тэпсэҥнээтэ,
титирэстээн, о.д.а. тыллар тугу кэпсииллэр дии саныыгыт?
4. Уйбаан кус быһый, ат бөҕө буоларын ханнык икки түбэл-
тэҕэ биллэрбит эбитий?
5. Кини ону хаһан да көрдөрө сатаабатын эһиги туох дии са-
ныыгыт? Саха норуотугар бу үгэс баара тугу туоһулуур?
6. Аҕата «уол кэлин ыйытыытыгар олулла түһэн ылла» диэн
этиини хайдах өйдүөххэ сөбүй?
7. Лөгөнтөй баай туох оҕуруктаах санааны ылынна?
8. Айымньы саҕаланыыта уонна түмүгэ маарыннаһар диэххэ
сөп дуо?

Тэҥнээн көрүү

Айымньыга адьырҕа кыыллар майгыларын уонна киһи
кыыллыйыыта көстүүтүн туһунан санааҕытын үллэстиҥ.

119