Page 117 - Литература 7 кылаас 2 чааhа

— Дьэ дуу, убаһаларбын булгуччу төлөтөн араҕыам. Би-
лигин төһө сэмнэх ордубутун барытын тиэйэн кэлиҥ. Ытыс да
саҕаны хаалларымаҥ. Бүгүҥҥү күнү аһарбакка, булгуччу хаар
күрүөтэ тутан, ордубут убаһалары дьиэ таһыгар аһатыҥ. Мин
бүгүн Маҥарас Амматыгар бардым. Сарсын кэлэн иһэн сыл-
дьыам. Аны бөрө биир да убаһаны тардыбатаҕына табыллар.
Булчуппун дэнэриҥ эрэ бэрт дии. Бултас. Тириилэрин сүл! —
Лөгөнтөй, хайа, атастарым сөп буоллугут дуо диэбиттии, ба-
рыларын кэриччи көрүтэлээн кэбистэ, даххаһыйа соҕус туттан,
таҥнан барда.

— Тойоммуот, бултаһыахпыт, оттон төлөбүр чааһынан аһын-
хараһый. Биһиги туохпутунан уйунан, оччо үксү төлүөх дьом-
мутуй?! — Уйбаан куолаһа титирэстээн көрдөһөн барда.

Лөгөнтөй ити тылга хоруйдаабакка тахсыах курдук туттан,
ааҥҥа тиийэн иһэн тохтоото уонна кэннин хайыспакка эрэ:

— Төлөтөр-төлөппөт туһунан хойут үлэҕититтэн-хамнаскы-
тыттан көрөн быһаарсыахпыт. Майгыгыт-сигилигит да билиэ-
ҕэ, — диэт, ааны лик гына сабан, тахсан барда.

Уйбаан эккирэтэн тахсан, атын үүнүн кэтэрдэн, сиһин быа-
тын тардан, муоһатын Лөгөнтөй илиитигэр туттаран биэрдэ.
Лөгөнтөй сыарҕатын өйөнөрүгэр тиэрэ түһэн, тибиини саҥа
тыырдаран, хаамтаран батыччахтата турда. Бу киэһэ кини атын
нэһилиэк «арыыччаларыгар» сылдьыа, хонуо. Соҕуруунан-хоту-
нан эргитэн арааһы кэпсэтиэ буоллаҕа.

Күн үөһэ күөрэйэн, дьыбар тахсан, атынан айанныырга
олус бэрт буолбут. Туох барыта бүтүннүү, силлиэ эмиэ иһэрэ
буолаарай, иһиллээҥ эрэ диэбиттии, ылы-чып барбыт. Ман-
нык ылааҕа, маннык чуумпуга, маннык бытаан айаҥҥа сорох-
тор ырыа аргыстаах, тойук доҕордоох буолааччылар; атыттар
ону-маны толкуйдаан, санаан биир туспа мучумааҥҥа ба-
рааччылар. Оттон Лөгөнтөй, ханнык эмэ мэник-тэник киһиэхэ
дылы, ыллаан дьүһүлэнэ иһиэ дуо?! Хата, иһигэр арааһынайы
эргитэ саныы истэ... Баабыйдар үлэһит дьон. Киһи итинник
үлэһит дьону хантан да булуо суоҕа. Бөрөлөр түбэһэ хаа-
ман, ороскуот бөҕөнү таһаарбыттар буолан баран, соҕотох
түүн иһигэр барыларын тардыбатылар ини? Тардыбыттарын
даҕаны иһин барытын сиэбэтэхтэрэ буолуо. Бэркэ буоллаҕы-
на, биэс-алта убаһаны ини. Уйбаан — улахан булчут киһи.

117