Page 110 - Литература 7 кылаас 2 чааhа

эйэҕэстик кэпсэтэн эрдэҕинэ, тойоно Лөгөнтөй түбэһэ тахсан,
ситэ кэпсэтиннэрбэтэҕэ, атын үлэҕэ соруйан ыыппыта. Ол киэһэ
Лөгөнтөй: «Ити күн ыраахтааҕыны утарбыт бүрүстүүпүнньүк диэн
буолар. Ол аата, сатана оҕонньор ыаһаайыта — амтыын кырыыс
диэн! Кини ханна сылдьар сирин аайы албын-көлдьүн тылынан
дьону иирдэр, аньыыны-хараны ыһа сылдьар киһи. Кэнэҕэс ити
амтыын кырыыстар дэлэйдэхтэринэ, тимир үйэ кэлиэ. Оччоҕо
икки атахтаах мэйиитин тимир ытыгынан илдьи ытыйан-ытыйан
кэбиһиэхтэрэ. Онтон дьон бары маска ымньаммат гына харааччы
иирэн хаалыахтара. Ону кытта ити эн тугу сэлэстиҥ? Киниттэн
эн куотар, тэскилиир буол! Кини албыныгар киирэн, аньыыны
оҥоро сылдьаайаҕын. Сэрэнэр буол!» — диэбитэ, дэлби сэмэ-
лээбитэ, мөхпүтэ. Итини санаан, Уйбаан дириҥник өрө тыынна.

— Кинини ким билиэй, тоойуом, — диэн баран, илин түн-
нүгүн көрө түһэн аһарда. — Күн тахсыбыт. Түргэнник туран-оло-
рон, үлэлии охсуоҕун. Олорон хаалбыппыт дии.

— Ол саадьаҕай, — Сүөкүлэ быыс үрдүнэн сирэйэ ньо-
лойон, муоһа адаарыйан турар ынаҕы ыйан кэбистэ, — аанньа
аһаабат буолан хаалла. Кылыаланна дуу, тииһээри гынна дуу?
Киэһэ өйдөөн тииһин көрөөр эрэ.

— Сүөһү айаҕын атытар маспын өрүү көрбөппүн ээ. Сүттэ
дуу, хайа үөдэн?

— Арба даҕаны, илин ыаллар уларсан бардылар этэ дуу.
Бүгүн ол ыалга охсулуннаххына, таарыччы аҕалаар эрэ. Этэр-
бэстэрин илдьэн биэрээр. Боккуойа туохта эмэтэ ыыттын.
Этээр. Иистээх буоллаҕына, ыыта олордун. Күн уһаата. Иллэҥ
дьахтар бэйэтэ да кэлэ сылдьыбат.

— Мочоҥо бэрт. Быстах наадаҕа киһи ыалга барыа суох.
— Кыра сүөһүлэрбит, наар кытыл отунан аһатаммыт, үөһү-
рээри гыннылар. Хочо отуттан тиэйдэргит бэрт буолуо эбит, —
диир Сүөкүлэ.
— Тукаам, Махсыын, эн убаһаларгын аһатан бараҥҥын,
айаларгын эһэн киллэриэҥ этэ. Сэрэнээр. Айаларгын хаар көс-
түбэт гына типтэҕэ буолуо. Таарыччы... Бэйи чэ, мин сүөһүлэр-
бин аһатыам уонна от тиэйэ барыам, — диир Уйбаан. — Суорат-
та аҕал, сии түһэн тарҕаһыаҕыҥ. Тойоммут баарбытына кэллэр,
бэрт буолуо эбит. Убаһаларын көрөн барара буолуо. Саахта-
рын үрдүгэр аһата сылдьаайаҥый.

110