Page 108 - Литература 7 кылаас 2 чааhа
P. 108
ньыгар быраҕаттаата уонна остуолу сотон, хайдыбыттара, үл-
түрүйбүттэрэ ньаалбаанынан таарбадаһын курдук үүйүллүбүт
үс чааскыны сыа-сым курдук тутан аҕалан, остуолга ууран кэ-
бистэ. Бэҕэһээ киэһэ ордорбут куобахтарын этин уонна хаппыт
иэдьэгэйи хобордооххо кутан аҕалан, остуолга уурда. Чэйдээн
бардылар. Сүөкүлэ бүлүүһэлээх чэйин биэс тарбаҕын үрдүгэр
тутан, үрэн кэбиһэ-кэбиһэ, сыпсырыйан иһэ олорон:
— Сүөһүлэр куһаҕана суох тураллар. Убаһалары да үчүгэй-
дэр диигин дии? — уолун диэки көрө охсон ылар. — Тойоммут
киирдэҕинэ, чэй, табаах, аҕыйахта лэппиэскэлээн, хааһылаан
сиир бурдук көрдөөн көрүөх этибит, — диэн, адьас ылбыт саҕа
санаан, үөрэ-көтө олордо.
— Сүөһүлээхпин, дьонноохпун диэн баччааҥҥа диэри бы-
ган көрбөтө. Үс кыһыны быһа тугу эмэ ыытыах да этэ. Саатар,
киһи ыытан билиһиннэрбэтэ. Бу үлүгэр тибиигэ биһиэхэ тугу
киллэриэ баарай? — аҕалара Уйбаан сүөм түһэр.
— Сүрдээх баҕайы, — Сүөкүлэ чааскыга чэй кутар. — Бу
үлүгэр улахан хотонноох балаҕаны туттарарыгар, муҥ саатар,
бурдук сыыһа ыыттаҕа баҕас дуу!
— Бурдук биэрбэтэх баҕайыта ини. Лөгөнтөйү билбэккэ
дылы эттэҥий. Сурах бөҕөтө, бурдуга курааннаабыт аатыран,
туох баар хамначчыттарын тарынан олордор үһү дии. Ол сээ-
кэйи тиэйимээри албаһыран тибиини кэрэйбэккэ суол тэлэн ис-
тэҕэ буолуо. Бу сайын окко эбии киһи ыытыах буолбута. Сэп-
сэбиргэл туттарбытыгар эмиэ дьону көмөлөһүннэриэх аатырбы-
та. Өйүө-тайаа тэрийиэх курдук эппитэ — ити баар. Бэл киһи
ыытан билиһиннэрбэт, — Уйбаан сөҥ түһэн муҥатыйар, куоба-
ҕын сиһин тырыта-хайыта тыытар. — Бу куобахпыт суоҕа буол-
лар, арааһа, куһаҕан соҕус буолуохпут эбитэ буолуо ээт.
— Аҕаа, Лөгөнтөй биһиэхэ сылга дуу, хайдах дуу төһөнү
төлүүрүй? — баччааҥҥа диэри саҥата суох олорбут Махсыын
ыйытар.
— Тукаам, тугу төлүөй? Биһиги үс киһи аһаан-сиэн уонна
таҥнан олордохпут эбээт.
— Оттон, аҕаа, — Махсыын күө-дьаа буола түһэр, тиник-
тии олорор куобаҕын этин остуолга уурар, — быйыл биһиги
наһаа элбэҕи үлэлээтибит буолбат дуо? Сылгылыын, ынахтыын
сүүсчэкэ сүөһү сыл тахсар отун оттоотубут.
108
