Page 104 - Литература 7 кылаас 2 чааhа

Бастаан Дьокуускайдааҕы учуутал техникумун, онтон инсти-
туту бүтэрэр. Үйэтин тухары учууталлаабыта. Сааһыран баран
бэчээттэнэр буолта.

Кыыһа Рива Реасовна Кулаковская ахтар: «Аҕам бииргэ
төрөөбүттэриттэн соҕотох хаалбыт киһи. Кини куруук хайдах кур-
дук бииргэ төрөөбүттэринээн ахтыһалларын, өйдөһөллөрүн, бэйэ-
бэйэлэрин таптыылларын, убаастаһалларын кэпсиирэ. Эдьиий
диэн эдьиий, убай диэн убай буолар, ону өрө барыллыбат диирэ.

...Аҥаардас тапталынан эрэ буолбакка, аҕабыт аах биһиги-
ни үлэнэн ииппиттэрэ. Ийэм, аҕам: «Үлэһит киһиттэн үчүгэй киһи
тахсар», — диэн тоһоҕолоон этэллэрэ. Кыргыттар бары дьиэҕэ
көмөлөһөрбүт, иһит, таҥас, дьиэ сууйан, ас астаан, уолаттар
мас хайыталлара, муус киллэрэллэрэ, от-мас тиэйэллэрэ, бул-
таһаллара. Сайынын сир астаан, оттоон олорбуппут».

Ааҕыы, ырытыы

Аан аһылынна

I

Түҥ хара тыаны бүрүммүт Амма улаҕатыттан бөрөлөр улу-
һан онолуһар саҥаларын дуораана, тибии быыһыгар ыраата-
ыраата чугаһаан, иһиллитэлээн ылар. Ити иҥсэлээх ньиргиэр
тойугу икки атахтаах истибэккэ хаалла. Иккис түүнүгэр, киэһэ
эрдэттэн тибии ааһан, сир сиринэн, халлаан халлаанынан буол-
ла. Эргиччи им-ньим. Хабыс-хараҥа, тыбыс-тымныы. Бөрөлөр
тибииттэн кириһэ сыппыт аппаларыгар бары хороһон олорду-
лар. Онтон саамай баһылыктара улуйан онолутта. Атыттар, ону
эрэ көһүппүттүү, араас куолаһынан сыналыспытынан, дьаргып-
пытынан бардылар. Ити — бултуу барар ырыалара.

Бөрөлөр субуруһа айаннаан, ыарҕа үрэҕи батан, түүн үөһүн
саҕана Аммаҕа киирдилэр, ол-бу диэки хайыһан иһиллээн чөр-
бөҥнөстүлэр. Ханна эрэ куучугуруур-хоочугуруур тыас иһиллэр.
Ол тыас хоту кутуруктарын купчуччу туттан, төбөлөрүн дьүк-
күтэн, истэрэ систэрин үөһүгэр хам сыстан унньуҥнаһан ис-
тилэр. Тыас субу кэллэ. Бөрөлөр тохтоотулар. Кулгаахтарын

104