Page 102 - Литература 7 кылаас 2 чааhа

История, олох, киһи

Саха литературатыгар устуоруйа уларыйыыларын, ол ула-
рыйыыга саха киһитин көхтөөх кыттыытын көрдөрөр айым-
ньылар аҕыйаҕа суохтар. Саха суруйааччылара ордук чуолаан
сүүрбэһис-отутус сылларга олох уларыйыытын, Гражданскай
сэрии героикатын, олоҕу социалистическайдыы уларыта тутуу
тиэмэтигэр элбэхтик суруйбуттара. А.И. Софронов «Төрөөбүт
дойду» хоһоонугар, Реас Кулаковскай «Аан аһылынна», Бо-
лот Боотур «Уһуктуу» романтан быһа тардыыларыгар хараҥа
баттал туһунан санаалар этиллэллэр, П.А. Ойуунускай «Өрүөл
кэриэһэ», «Син биир буолбаат?!!», «Сүүс сыллаах улуу былаан»
диэн айымньыларыгар биһиги олохпут устуоруйатыгар буолан
ааспыт Гражданскай сэрии, саҥа олоҕу уларыта тутуу балыс-
хан ситиһиилэрэ ол былдьаһыктаах кэм күүстээх тылларынан
хоһуйуллар.

Аҕа дойду Улуу сэриитин кэминээҕи литератураҕа Н.Е. Мор-
динов «Сааскы кэм», Эрилик Эристиин «Маарыкчаан ыччатта-
ра» романнара дьоһуннаах миэстэни ылаллар. Бу айымньылар
саха киһитэ өй-санаа өртүнэн уһуктуутун, бэйэтин дьылҕатын
бэйэтэ быһаарынар кыахтаныытын көрдөрөллөр.

Саха суруйааччылара аҥаардас саха олоҕун көрдөрүүнэн
муҥурдамматахтара. Эрилик Эристиин «Революция уолаттара»,
«Аймалҕан» айымньыларыгар казаах уонна бурят норуотун чу-
луу уолаттара олох хамсааһыныгар хайдах кыттыбыттарын уус-
ураннык ойуулаан көрдөрбүтэ.

Оҕолоор, ол иһин мээнэҕэ эппэттэр уус-уран айымньы олох
сиэркилэтэ диэн, эһиги литературнай айымньыттан норуоп-
пут хайдах олоҕу олорон ааспытын сиһилии билиэххитин сөп.
Уус-уран литератураны элбэхтэ ааҕыҥ, олох хаамыытын туһу-
нан билиигитин хаҥатыҥ.

102