Page 97 - Литература 7 кылаас 2 чааhа

Биирдэ күһүн, сир харатына, куорат дьонун кытары тайахтыы
сылдьан, хайаҕа чубукуларга түбэстибит. Мин таас быарыгар
турдахпына, ойоҕоспор саалар тыастара төлүтэ ыстаннылар.
Таас быыһынан чубукулар миэхэ субу уун-утары сүүрэн быы-
раттан кэллилэр. Адьас үс-түөрт хаамыы сиринэн аастылар. Бу
эрэйдээхтэр куттаммыттара диэн сүрдээх. Эчи, кытыгыраста-
рын! Хомпоруун хотой да таба тайанан олоруо суох чочоҕору-
гар туйахтарын оҕотунан «тып» гына үктэнэ-үктэнэ, ыстаҥалаан
быыратталлара көрүөххэ, эчи, үчүгэйин!

Дьэ били кэтэһэ турбут киһилэрэ, мин, чубукуларым ха-
рахпыттан сүтэн эрдэхтэринэ, суолтатыгар үөһэ ытыалаатым.
Дьоннорум икки чубукуну өлөрбүттэр эрэ. Кинилэр мин сыыс-
пыппын олус дьиибэргээтилэр. Биир оройунан көрбүт бэдик:
«Пахай, ааттаах булчут диэбиттэрэ, адьас көлөөк ытааччы
эбит!» — дии-дии, күлэн алларастыыр.

Онтон өссө эбии күөдьүйэн эрдэхтэринэ, тулуйбатым. «Сэ-
дэх кыылы болдьоҕун иннинэ бултуу-бултуу киһиргиигит. Эк-
китин бэйэҕит сиэҥ, — диэн дэлби ыстанным. — Онтон ытаач-
чыбынан куһаҕаным туһунан тылгытын ыстаамаҥ. Ыстааҥҥыт
тимэҕин турута тардан биэс уон хаамыы сиргэ ууруҥ. Хайабыт
табар эбит!»

Били киһиргэммит уолаттарым, син дьон эрэ буоллаллар,
саҥата суох бардылар, тугу да утарсыбатылар.

Ити курдук, дьоммун кытары бурайсан баран, кинилэртэн
тэйэн, атын хампаанньаҕа холбоспутум. Ол барыта чубукуттан.
Дьэ, итинник, сэгэттээй. Хара тыа күндү кыылын харыстыыр,
саатар булт болдьоҕун тутуһар наада. Тыа баайа барыта —
бэйэбит киэнэ, норуот киэнэ. Оннук буолбат дуо?

Таһырдьа тыал мастар лабааларын суугунатар, биһиги ча-
раас балааккабытын аргыый ибирдэтэр.

Семён Никифоров тылбааһа

Тылбытын байытабыт

Чубуку — хайаҕа олохсуйар айылҕа мааны кыыла.
Хуркаткит — туһахтаабыт.
Ыстаада — эбээн норуотун түөлбэлээн олорор сирэ.

97