Page 96 - Литература 7 кылаас 2 чааhа

Эһиилги сааһыгар, харалдьык тахсыыта, эмээхсин төһө эмэ
элбэх чубуку этин, оһоҕоһун, сыатын хатаран хаһаанан олордо-
ҕуна, оҕолоро, сиэннэрэ, сүүрбэччэ-отучча табаны сэтиилэнэн,
бу үөрэн-көтөн тиийэн кэлэллэр. Кинилэр тордохторо урукку-
тунуу уоттаах-күөстээх бур-бур буруолуу олорорун, өссө кутаа
үрдүгэр хаппыт эт ыйанан турарын көрөөт, олус үөрэллэр.

— Көрбүппүтүн харахпыт итэҕэйбэт. Эбэбит барахсан, бу,
кырдьык, эн илэ-чахчы бэйэҕинэн олорохтуугун дуо? — дэһэл-
лэр уолаттар.

— Илэ, илэ бэйэбинэн, — диэхтиир эбэлэрэ. — Оттон эһи-
ги эмиэ илэ бэйэҕитинэн кэллигит дуо?

— Илэ, илэ бэйэбитинэн... Эн хайдах тыыннаах ортуҥ?
— Миигин чубуку, чубуку этэ быыһаата... Чубуку этэ былыр
биһиги өбүгэлэрбитин эмиэ быыһаабыттааҕа диэн мин эбэм
кэпсиирэ. Хойут эһиги эмиэ ону кэпсиир буолаарыҥ. Оттон бу
хантан бачча табаланныгыт?
— Туора биис уустарын киэнэ.
— Бай, ол кинилэри сэриилээн кыайан кэллигит дуо?
— Эчи, суох. Ол туора биистэр үтүө дьоннор эбит. Олор
бу үп-ас тэрийэннэр, табаланан-тайданан кэллибит. Онон ки-
нилэр биһиэхэ күн-ый буоллулар. Биһиги кинилэргэ үтүөлэрин
үтүөнэн төлүөх буоллубут.
— Дьэ бэрт эбит! Кырыктаах киһи кылгас үйэлээх, үтүө са-
наалаах киһи үчүгэй, үгүс кэнчээрилээх. Ону өйдөөн кэбиһиҥ.
— Итинтэн ыла ол эмээхсин олорбут сирин Хуркаткит диэн
ааттаабыттар, — оҕонньор, кэпсээнин бүтэрэн, үөһэ тыынна. —
Онно билигин да чубуку элбэх. Ол гынан баран ол биһиги
өбүгэлэрбитин өлүүттэн өрүһүйбүт кэрэ бэйэлээх барахсаны
аһыҥастаах кыыллыы кыдыйаллар. Сокуоҥҥа ыйыллар бол-
дьох эҥин диэни аахсыбаттар. Оннооҕор эн, дойдулаах ыччат,
чубукуну сибилиҥҥэттэн сиэри ону-маны тыллаһаҕын дии...
— Суох, Нэгиэчээн кырдьаҕаас, мин таах эппитим.
— Хата, инньэ диэ. Ол сөп. Көр, сэгэттээй, мин атын араас
кыылы бултуубун-бултуубун да, чубукулууру соччо кэрэхсээ-
бэппин. Хата, улахан начаалынньык эбитим буоллар, олох
бобуом этэ. Чубуку диэн, сэгэттээй, биһиги таас хайабыт,
хара тайҕабыт саамай кэрэ дьүһүннээх кыыла эбээт. Ону
адьас аҕыйатан эрэбит.

96