Page 238 - Литература 10 кылаас 2 чааhа

Куриль эмиэ мичээрдээтэ: оҕонньор оҥосто-оҥосто хай-
ҕаабытынааҕар кини ити тыллары ордук сөбүлүү иһиттэ.
— Хайа, тоҕо турдахпытый, тордоххо киириэҕиҥ, — диэтэ,
бастаан туох да саҥата суох турбут Уйбаачаанныын, онтон ти-
ритэн арыы-сыа ньалҕарыйбыт Маамахаанныын илии тутуһан
дорооболоһон баран. — Саня, эн эмиэ дорообото тут.
Тордоххо киирээт, Куриль, дьэ һуу диэбиттии, салгыны ди-
риҥник эҕирийэн ылан, таҥнары уһууран кэбистэ:
— Кумаарбыт номнуо хойдон эрэр… Чэ ол да буоллар сэс-
пэбитин саппат инибит: онто да суох хараҥаҕа олорбохтуурбут
буолуо..
— Мин истэрбэ-эр, эһиги-и Саайыраҕы-ыт кумаары да кыт-
та киһили-и кэпсэтэ-эр сурахтааҕа дии, — Үөһээ Халыма ойуу-
на, үөннээх баҕайытык быһыччы көрөн олорон, кыыкынас куо-
лаһынан саҥаран эҥээриттэ.
— Билбэтим, — Куриль ситэ саҥардыбата. — Бэйэтиттэн
тахсан ыйыт: ярангата бу биһи кэккэбитигэр турар. Сорох
баҕас ойуун тылын-өһүн өйдөөбөт даҕаны.
— О-оо, маннык өйдөөх, соҕуруунан-хотунан биллэр киһи өй -
дөөбөт ааттаах дии? — оҕонньор сөбүлээбэтэ быһыылаах, —
Оонньоону-уҥ ини-и… кистэлэҥҥин арыйыаххы-ын куттана-
ҕын?
— Кистии сатыырым тугум да суох, мин ойуун буолбатах-
пын, онон улаханнык буорайа сылдьабын дии санаабаппын.
— Киһи итэҕэйиэ суох баҕайыта, — Уйбаачаан тыл кыбытар
уонна, көхсүн этитэ-этитэ, тэйиччи соҕус олорунан кэбистэ. —
Оттон мин тоҕо эрэ эн ыҥырар саҥаҕын ыраахтан истэн бу
кэлэн олоробун дии.
— Сымыйаҥ, — Куриль холкутук хардарар. — Эн Друскин
ыспыраабынньык суругун тутан, үһүөн ханна көрсүһүөхтээх-
хитин билэн баран, бу кэлэн олордоҕуҥ дии. Дьаһааһынаҕа
көрсүспүккүт дуо?
— О-оо! — Үөһээ Халыма ойууна ити тыллары үөрэ иһиттэ
итиэннэ остуол диэки сыҕарыйда. — Хайа мин эмиэ-э итэ-
ҕэйиэ суох курду-ук буолан барды-ым ди-и… Оттон итини-и
барыты-ын аҕа баһылык Охоноо ханта-ан биллэ-э? Друскин
киниэхэ тугу-у да-а суруйбатаҕа-а… тылынан да илдьиттээ-
бэтэҕэ-э…
— Ойуун эһэлээхпинэн китиэрийэҕин дуу? Суох. Иччигэ,
и чээҥҥэ эрэ сигэнэ сатаамаҥ. Бачча үрүк-түрүк сылдьар
киһи онтон атын буолуо суохтаах диэн тобулан таһаардаҕым
дии, — Куриль чолбон курдук чолбоодуспут харахтара оҕон-

238