Page 239 - Литература 11 кылаас 1 чааhа

ЛЕОНИД АНДРЕЕВИЧ ПОПОВ
(1919—1990)

Бастакы хоһоонноро 1937 сыллаах­
ха бэчээттэммиттэрэ. Оттон 1943 сыл­
лаахха бэйиэт бастакы хоһооннорун
уонна бэйиэмэлэрин хомуурунньуга
күн сирин көрбүтэ. 1944 сыллаахха
Софрон Даниловы кытта «Советскай
Союз Геройа Фёдор Кузьмич Попов»
диэн документальнай сэһэнэ тахсы­
быта. Ити сыл «Улуу Туймаада» диэн
дырааматын суруйбута, ол гынан ба­
ран 1995 сыл лаахха эрэ бэчээттэнэр
дьылҕалам мыта.
Леонид Попов бэйиэт, уочаркаһыт
уон на драматург быһыытынан саха ли­
тературатыгар чаҕылхайдык киирбитэ.
Ол эрээри Леонид Попов дьоҕура поэзия жанрыгар ордук
тобуллубута. Утуу­субуу «Истиҥ сүрэхтэн», «Хоптолор», «Хаа­
мыах халыҥ хаарынан», «Отуу уота», «Күн чугас» кинигэлэрэ
бэчээттэнэн Ийэ дойдутун ис сүрэҕиттэн таптыыр, иэйии лээх
таптал лиирикэтин биэрбит, ырыа тылларын айбыт бэйиэт
быһыытынан киэҥник биллибитэ, саха норуотугар таптаппыта.
Сүрүн поэтическай айымньылара: «Истиҥ сүрэхтэн»
(1950 с.), «Хоптолор» (1958 с.), «Отуу уота» (1966 с.), «Уот
буол, сүрэҕим» уо.д.а.
Кини хоһооннорун нуучча аатырбыт поэтессата Анна Ах­
матова тылбаастаабыта. Киин издательстволарга «Утро над
Леной» (1953 с.), «Алмазный край» (1958 с.), «Снегопад»
(1963 с.), «Песни Вилюя» (1970 с.), «Я — ветка тайги» (1977 с.),
«От океана до океана» (1979 с.) уо.д.а. хоһооннорун хомуурун­
ньуктара нуучча тылынан бэчээттэммиттэрэ.
Саха литературатын киэн туттар «Тоҕой Сэлэ», «Мэйи Сирэ»
арамааннарын, «Күндэли» сэһэнин, хас да дыраамалары су­
руйбута.
Литературнай тылбааһынан эмиэ дьарыктаммыта. Б. Поле­
вой «Повесть о настоящем человеке», Н. Гоголь «Тарас Буль­
ба», А. Фадеев «Молодая Гвардия» айымньыларын сахалыы
саҥардыбыта.

239