Page 5 - Саха тыла 6 кылаас
P. 5
Кэриэһим — кэннибэр хааларым — кэхтибэт кэрэкэ
тылларым; тохтор көмүс дорҕоонум; сыллартан сыппаабат
сытыы күүс тыл; төлөннөөх тойук; иитиллэр ийэ тылым; ил-
бис тыл, чаҕылхай тыл, уоттаах тыл, нарын дорҕоон, саха
намылхай тыла, алмаас тыл, алыптаах тыл, кэрэ оһуор-
уустук тыл, дыргыл-мүөт тыл, эйэҕэс тыл, дьэрэкээннээх
сайаҕас тыл, бигэ тыл, адаархай дөлүһүөн хатыылаах тыл.
5. Маннык өс хоһоонугар тыл ханнык күүһэ тоһоҕолоон
бэлиэтэнэрий?
Үтүө тыл — баайдааҕар күндү. Көрсүө тыл бэлиэ.
Кыһыл тыл байҕалы оломнуур. Уус тылынан устар ууну
сомоҕолуур. Үтүө тыл — дьол.
6. Норуот уос номоҕун өйгөр хатаан, тылгар-өскөр
туһанарга кыһан.
Хайгыыр-сэмэлиир тыл-өс:
биир тыллаах киһи, тылыгар турар, тылын кэспэт, ты-
лын толорор; киһи тылын истибэт, тылын эрэ минньитэр,
уу-хаар тыллаах, тыла таах хаалла, тылыгар турбат, эп-
пит тылыгар харбат киһи.
Үөрэтэр-такайар тыл-өс:
киһи тылын иһит, мээнэ тыллаһыма, бас баттах са-
ҥарыма, айахха киирбиччэ этимэ, куһаҕаны саҥарыма,
тылгын-өскүн кыан, киһи тыла иҥниэ (хонуо), быһа этимэ,
тыл дьыалаттан арахсыбат, тыл тыалга быраҕыллыбат,
аҕыйах тыл — минньигэс, элбэх тыл — сымсах; үлэ үксэ,
тыл аҕыйаҕа үчүгэй.
Чинчилиир-билгэлиир тыл-өс:
үчүгэй тыллаах-өстөөх киһи, олохтоох тыллаах ыччат,
үүннээх-тэһииннээх этиилээх; киһи тылын долоҕойугар
тохтоппот (туппат), оттомо суох саҥалаах-иҥэлээх, оруо
маһы ортотунан тыллаах, ордук-хоһу тыллаах, куһаҕан
тыллаах, тылыгар киирбит.
5
