Page 125 - Саха тыла 9 кылаас

БЫҺААРЫЫЛААХ ТЫЛДЬЫТ

Аартык. 1. Киэҥ улахан айан суола. 2. (көсп.) Үүнэр-сайдар хайысха.
Абаҕа. Киһиэхэ аҕатын бииргэ төрөөбүт убайа.
Абырҕал. Хаппыт лабаа.
Агда. Киһи, сүөһү түөһэ, ойоҕосторо бүтүннүү ылыллыбыта.
Аҕам. Сааһырбыт, кырдьа барбыт.
Аҕа ууһа. Биир аҕаттан төрүттээх аймахтыылар.
Айгыһын. 1. Наһаа уһуннук бэлэмнэн. 2. Элбэхтик кэл-бар, тиэһин.
Баабый. Илиитигэр күүстээх, кыайыылаах, модьу.
Баарт. Киһиэхэ туох эмэ дьол курдук табыллыыта (удача).
Баат. Дүлүҥүнэн оҥоһуллубут кыра тыы.
Баҕарах. От үрэх, сыһыы кэтирээн кэҥиир сирэ.
Баҕыыр. Тугу эмэ иилэн тардарга аналлаах уһун уктаах тордуохтаах
тимир.
Байтаһын. Сайын устата көҥүл сылдьыбыт, төрөөбөтөх (сүөһү).
Билэ. Этэрбэс сототун уонна үтүлүк үөһээ өттүлэрин сукунанан эбэ-
тэр атын таҥаһынан кэтит гына бүрүйэн киэргэтии.
Биргинэх. Кыра үөл кус.
Биэрэстэ, эргэр. Уста кээмэйэ, 1,067 км тэҥ. Биэрэстэлээх сиртэн
көстөр (верста).
Бөтүрүөп; Бөтүрүөп күн, эргэр. Христианскай итэҕэл, таҥара күнэ
(от ыйын 12 күнүгэр буолар). Бөтүрүөп куйааһа.
Быллаар. 1. Силлиһэ, тэллэх баттаһа сытар кыра томтордор. 2. Сир
очура, боллох.
Бэчимэ. Уһун, бөҕө быа (бечева).
Дабархай. Кытархай, сыстаҥнас, ууллаҕас мас сымалата.
Дабыдал. 1. Көтөр кынатын икки бастакы (бүлгүнүттэн) сүһүөҕэ. 2.
Киһи окумала.
Далбар. 1. Күндү-мааны күндүлээһин. 2. Мааны, бастыҥ. 3. Улахан
туос иһит.
Даҥ. Дьиэ, тутуу үрдүн буора, сабыыта.
Даркы. Уу аҕалан муспут маһа (өрүс, күөл кытыытыгар).
Долоҕойгор тохтот. Өйдөөн иһит.
Дьаадьый. Ким эмэ хараҕыттан куотан, тэйэн биэр; тэскилээ.
Дьааҥы. Таас хайа.
Дьаар. Куһаҕан сыт.
Дьаархан. Туохтан эмэ куттанан сэрэн, кэтэн.
Дьаллык. Куһаҕан идэ, омсолоох суолга ылларыы.
Дьаныар. Дьүккүөр, дьулуур.
Дьаҥ. Кылгас кэмҥэ күүскэ ыарытыннарар сыстыганнаах ыарыы.

125