Page 24 - Литература 6 кылаас 2 чааhа

Билиэн-көрүөн баҕалаахтарга

Методист Иевлев Е. К. санаатын ситимин ситэриҥ. «Ыс-
тапааҥҥа көнөр суолга үктэнэрин курдук туох сүбэни биэ-
риэххэ сөбүй? Бастатан туран, бэйэтин үтүө хаачыстыба-
ларын тутуһан сайыннардын. Иккиһинэн, кини дьиҥ чахчы
көнүөн баҕарар буоллаҕына, бэйэтиттэн тугу эрэ сиэртибэ-
лиэн, биэриэн наада. Таптал диэн ол буолар. Таптыыр эрэ
киһи атын дьон (чугас да, ыраах да) туһугар бэйэтиттэн биэ-
рэр, сиэртибэлиир. Ыстапаан бэйэтин өттүттэн кэргэнигэр,
оҕолоругар тугу сиэртибэлиэн сөбүй? Ити курдук салгыы
тугу сүбэлиэххэ сөбүй?..»

Анаан дьүүллэһии

«Ыал аҕатынан» диэн норуот өһүн номоҕо тугу кэрэһи-
лиирий?

УУС-УРАН ТЫЛ ЭЙГЭТИГЭР

А.И. Софронов—Алампа «Куоратчыт» кэпсээнин 1924 с.
суруйбута. 1927 с. «Чолбон» сурунаалга бэчээттэммитэ.

«Куоратчыт» кэпсээн — саха литературатыгар кыл-
гас кээмэйдээх эпическэй айымньы бастыҥ холобура.
Кини ис хоһоонунан олох-дьаһах туһунан кэпсээҥҥэ
киирэр. Манна революция иннинээҕи саха киһитин оло-
ҕо-дьаһаҕа, дьиэ эргиннээҕи кыһалҕата ойууланар. Ол
курдук, Уһун Ыстапаан, кыһын иэстэн-күүстэн босхо-
лоноору, биир кытарах бургунаһын туттар, куоракка
киирэн, атыылаабыт харчытын хаарты оонньоон сүүй-
тэрэн кэбиһэр. Тиһэҕэр, өссө уһун эрэйгэ тэбиллэр.
Айымньыга Алампа хаарты оонньооһун киһи олоҕор-дьа-
һаҕар, кэргэттэригэр ыар содуллааҕын арыйар.

Талааннаах прозаик бу кылгас кээмэйдээх кэпсээҥ-
ҥэ Ыстапааннаах Даайа олохторун-дьаһахтарын, өйдө-

24