Page 21 - Литература 6 кылаас 2 чааhа

Алыс санаата түмүллэн баттаан кэллэҕинэ, үөһэ тыы-
нан баран: «Оок-сиэ, тоҕо куһаҕанай!» — диэн саҥа ал-
лайара.

Кини көрдөҕүнэ, толооттор киэҥнэрэ, тииттэр туох да
санаата-оноото суох холку баҕайытык дьирэһэн туралла-
ра үчүгэйэ бэрт этэ.

«Улахан оҕом сүүрэн тахсан, мин иһэрбин көрөөт,
ийэтигэр ааны быган туран: Аҕам кэллэ! — диэн баран,
сүүрэн кэлэн, кууһан туран: — Хайа, аҕаа, кур таһаардыҥ
дуо? — диэтэҕинэ, туох диирбиний уонна, баҕар, дьиэ
иһиттэн көрө тахсыахтара буоллаҕа…» диэн, субу көрөн
турар курдук санаатыгар көһүннэ, онтон сүрэҕэ мөҕүл
гына хамнаата, хараҕыттан уу тахсан кыламаныгар уон-
на, сирэйин устун сүүрэн түһэн, саал былаатыгар чөмөх-
төһө тоҥмутун, «абаккам, оттон аны оонньооботорбун»
дии-дии, тоноон араара истэ.

Им ырдьаччы сүппүтүн кэннэ алааһын арҕаа саҕаты-
гар киирдэ, туус маҥан хаар ортотугар кини саах сыбах-
таах балаҕана уруккутунааҕар ордук улаатан, харааран
көһүннэ. Оһоҕун үөлэһиттэн, кини иһэрин билэн үөрбүт
курдук, хойуу кыым өрө күлүбүрээн тахса турарын көрөн
баран, хайдах эрэ сирэйэ итий-итий гына-гына үллэҥ-
нииргэ дылы буолла. «Киһи быһыылаахтык сылдьан иһэ-
рим буоллар, төһө эрэ сэргэх, үчүгэй буолар этэ эбэтэр
куораттаан тииспэтэҕим буоллар, билигин балаҕаным
иһигэр төһө эрэ көҥүллүк, санаата-оноото суох олорор
этим. Оҕолор утуйбут, Баһырҕаһым дьиэҕэ буоллар үчү-
гэй этэ, аны ол күтүр, таһырдьа буолан, тыаспын истэн,
үрэн ньаргыйан, иһэрбин биллэриэх бэйэтэ буоллаҕа»
диэн, бэркэ дьиксиргии санаата.

Балаҕан таһа им-ньим, арай оһох кыыма өрө көтөн тах-
са-тахса чигдигэ, уот ардах курдук, таҥнары саккыраан
түһэр сырдыгар балаҕан ойоҕоһо сырдаан көстөн ааһар.
Оҕуруотун ааныгар кэллэ… Балай эрэ өр турбахтаан ба-
ран, уҥуоҕа уу испит сылгы курдук хамныы-хамныы, ар-
гыый аҕай оҕуруотун аанын аһан халыгырата турда…

21